كبرت .. وكل حلم فات ودعته
تكاسل خاطري .. لكن مازلت بخير
ياكم عقلي نهاني غير ماطعته
وياكم قلبي لعب بي والظنون تحير
الين اقديت في قلبي وجوعته
وصديته من الدنيا وعود غير
انا اكره كل طبع ما تصنعته
واقدس رايي الشخصي بلا تفسير
من الدنيا وهم قد تجرعته
وصلت المرحله اللي يصير يصير
عطيت بطيب .. واللي ماتوقعته!
كثير اللي جحد طيبي بلا تفسير
لو ان الوقت يرجع .. كان رجعته
عشان احب نفسي قبل احب الغير