جيتني تشتكي والدمع تسكب غزيره
وانت ماضي غرامك قد طوينا سجله
الجروح القديمه والجروح الأخيرة
كل جرح على حله محله محله
حاربت عيني الراحه وعينك قريره
وانا قلبي مضامين المحبه تتله
وش تبي قول والدنيا رحى مستديرة
جابتك وانت سيف الهجر ناوي تسله
أخذ حاجتك وارحل لاتبيح السريره
مابقى لك مكان لو تجي تستحله
ويش ابي في عشير بار عشرة عشيره
لعنبو حب يسبب غبون ومذله
ناوي اترك طريق الحب شره وخيره
بعد حبك تراني عفت انا الحب كله
المحبه وفاء واخلاص واشيا كثيره
المحبه تراها دولة مستقله
تستمد الرخى من الورد وازكى عبيره
وتستمد الأمان من النجوم المطله
ابتعد ياعسى رحلتك تبقى سفيره
دام عينك بصيره كل درب تدله
كل واحد بهالدنيا يلاقي مصيره
ماعلى الأرض دايم حي والدائم الله