03-13-2019
|
|
|
امي الغاليه
البيت خلاف امي العافيه تودعه
وعنوانه يصير الحزن والدمعه
البيت بدون ريحة امي احس مهجوم
وتفرح حياطينه وتضل تنعه
امي الترست اذني من الصغر لليوم
ما يتسمه زلمه الخاين بربعه
نصين امي تقسم خبزة التنور
فشله من الفقير ترده وترجعه
امي ديرتهه المحنه وطيبتهه ولايتهه
ماتسولف كلمه عوجه مالحه حجايتهه
ابراسهه يحلفون ضلو صيتهه معليهه
امي ياعالم دمعته تعور
ومن تشيل ايديهه حتى لون الكطن منهه يغار
ابيض من الغيم نيتهه بحجيهه
ومن اطيح بشده وكليبي عليل
تعادل الدنيا صدك لمسة اديهه
البيت خلاف امي العافيه تودعه
وعنوانه يصير الحزن والدمعه
البيت بدون ريحة امي احس مهجوم
وتفرح حياطينه وتضل تنعه
|