02-11-2019
|
|
الفراق اثر على النفس الجسوره
الفراق أثر على النفس الجسورة
والهواوي كل يوم أردى من أول
لو قدر يكتم عن العالم شعوره
ما قدر يمنع دموعه لا تحول
خابر إن نفسي على الفرقى صبورة
ما توسّل للوصال ولا تسوّل
لين شافت من صدوف الوقت بورة
وأخلف الطبع الجديد الطبع الأول
وأنت يا اللي ما دريت إنك ضرورة
لين روّاني غيابك ما يهّول
القمر لا غاب ما يبطي حضوره
حده أسبوعين كان الوضع طوّل
ليت يومك خذت من صورته صورة
خذت طبعه في رجوعه لا تحوّل
لاحقٍ حالي من غيابك خطورة
ما يشاليه التسلي والتجوّل
آه من ظلم البعاد وحر جوره
وآه يا قلبٍ من الأفراح جوّل
والفرح ما عاد غنيت لي طيوره
والحزن كنّه على صدري مخوّل
الفراق أثر على النفس الجسورة
والهواوي كل يوم أردى من أول
غير ليت اللي قدر يكتم شعوره
ما عجز يمنع دموعه لا تحّول
|