:


:


:







نثرت الحلم .. هقواتي سحاب و صدري الأبواب
......................... تغافلت الشجون اللي رحَلَتْ بي لـ آخر احبابي
رحلت بلا وطن و ابلا وجيه و ضاعوا الأحباب
......................... أدوزن للهجوع افـ نظرتي و آرتّل غيابي
تقهويت الفراق اللي شَرَقْ بي ما ترك أسباب
......................... و لا خلّى عروقي من ألم .. تنْزف على بابي
تغنّيت الوداع اللي تهادى ينْده الغيّاب
......................... و بثّيْت المدى صوتٍ حثا في وجهه ترابي
و ناديت الهموم المبطيات اللي غِرِسَتْ أنياب
......................... معالمها على ذاك الكريم اللي نثر ما بي
و شقّيت السما دعوة فقيرٍ تسأل التوّاب
......................... خلاصٍ من حنينٍ هزّني و اتْلَفْ لي اعصابي
يقولون الذنوب تذوب في دمعات من قدْ تاب
......................... و انا اقول الذنوب اللي غشتني كسّرَتْ نابي
بعد ما عافني قلبي تركت الحمل واللي جاب
......................... و يمّمت الطريق لـ / قبلتي و بخاطرٍ طابي
تدَثّرت الدعا و اللي بقى من دمعي المرتاب
......................... و كفّنت الحنين اللي عتقني / و ذوّب اهدابي
تزمّلني خشوعٍ طهّر انفاسي بعد ما ذاب
......................... صدى صوتٍ تعلّق داخلي و استنْطق عتابي
تغشّاني " على غفْلة " شحوبٍ فتّق الألباب
......................... و رتّب للحزن موعد غرامٍ فـ اوّل كتابي
قفلت الباب .. و افـ صدري حنينٍ هجّ لي أبواب
......................... تداعت كلّها .. ليلة غيابٍ غرّق ثيابي
غَرَقْ كل الكلام و لا معي غير القصيد عتاب
......................... كتبته من حنينٍ هزّني و اتلف لي اعصابي






مماراقني :

م ن

مشكوره قلبي ضوى الليل على تصميم مميز ربي يسعدك يارب