مع خالص الود والعرفان
شكرا جزيلا من اعماقي
تبي الصراحة انا الغلطان
اللي كتبتك على اوراقي
حبك مثل وردة البستان
اللي وقف عنها الساقي
كانت حكايه وكان وكان
أخيه يا هقوة الهاقي
من ثقل حملك على الامتان
اخاف لا ينكسر ساقي
حفلة وداعك لها ضيفان
دمعي وانا واصدق اشواقي
من بيننا نقسم الاحزان
الله على جونا الراقي
انا يتيم وبدون اخوان
لاغبت عني من الباقي؟
الحب شعبه من الإيمان
ماهو مع الكره متلاقي
جاوبني ان كان فالامكان
وش انت في غيبتك لاقي؟
الصبر نعمه لكن احيان
نقمه ويشقى بها الشاقي
اوزع هموم بالمجان
والله لا يقطع ارزاقي
ماعاد ودي احب انسان
محتاج احافظ على اخلاقي