بسم الله الرحمن الرحيم




\\
//

حبيبي جفف دموعك و جفنك خدر ابريقه
ترا والله يا روحي عليك الحزن مو لايق

سكوتك خنجر و قلبي يذوب إن شافك بضيقه
و انا والله ما يقوى خفوقي شوفتك ضايق

فديتك كآن لي خاطر ابي لك بس ترويقه
تبسم و ابتهج و اضحك ترا هالشيء مو عايق

ألا يا ليتني سورٍ على المزيون تطويقه
و اشيل الضيم في قلبي و يشرق نوره الرايق

و لا مــنه برق ثغره بـ وردٍ بلّـله ريقه
أبوس عيونه الثنتين يوم ان الهدب فايق

و اذا كان الحزن مسْلك فديتك غيّر اطْريقه
انا ما اتحمل دموعك وربي ماني ابْـ طايق



بقلم : عبدالرحمن الشآيع