افضفض لقلبك لجل جرحي يطيب
ان جاء ياليته معه يقدر يجيب
كل شيء كنا بالمواصل نحبه
ㅤ ㅤ
ودي اغمض كل ماشفته يغيب
عيوني ماترتاح الا لقربه
ㅤ ㅤ
كل الجروح المدميه يمكن اطيب
الا الغياب المر وشلون طبه
ㅤ ㅤ
انا ع احسن حال لو مابنا ريب
ان المره بالحب اكثر محبه
ㅤ ㅤ
ذبحني احساسي معه دايم يخيب
ولا الامور الباقيه مستتبه
ㅤ ㅤ
كل الوجيه بغيبته عجزت تصيب
مكانه اللي بالمحاني مصبه
ㅤ ㅤ
على كثر ماكان خاف من الغيب
ليته من ذنوب الجفا خاف ربه
ㅤ ㅤ
افضفض لقلبك لجل جرحي يطيب
لان كل عاشق من البوح طبه
ㅤ ㅤ
مو شرط كل مقفي اذا تتبعه عيب
انا اتبع المقفي اذا كنت احبه
|