في الصباح
في جناح صالح ومنيرة
صالح كان نايم إلا يسمع صوت صراخ ....فز من نومة بخوف ....سمع صوت صياح من الحمام قام بسرعة للحمام .......شاف منيرة ماسكة بطنها وهي على تلارض تتوجع
جلس عندها بخوف منيرة وش فيك
منيرة: ااااه صالح طحت منو مخلي الارضية كلها ماي ..... بموت مرررره موجوعة ....صالح ولدي ولدي الله يخليك ولدي اخاف يصير له شي ساعدني
صالح بسرعة قام واخذ عباية منيرة وخطها واخذها للمستشفى
##########
في المستشفى رايحه جاي خايف على حبيبته وعلى ولده ال مانولد للحين ....كان يحس بالذنب لانه هو السبب ومخلي الحمام كله ماء.....
شاف ابو منيرة وام منيرة واخوها طلال داخل
ام منيرة بخوف على بنتها وببكى : وش صار على بنتي كيفها ...وش فيها ..انت وين كنت عنها لما صار الصار
ابو منيرة :اهدي يامرة وخلينا نسمع منه ...قول صالح وش قال الدكتور
صالح :بتنهد... ماادري ياعمي للحين ماطلع من عند منيرة صار لهم نص ساعة
ام منيرة من سمعت كلامه صارت نصيح اكثر وهم يهدون فيها ...شافو الدكتور طلع فز له صالح وبخوف: بشر كيف منيرة وش صار لها ليه تاخرتو عندها وولدي كيف
الدكتور ببتسامة :هدي هدي ...كل هذي اساله ...اول شي مرتك الحمد لله بخير وقدرنا نتحكم بالنزيف وولدك بعد بخير ...بس لازم تحتاج لراحة وماتتحرك من مكانها ابدا لانه الطيحة كو هينة عليها ولو قدر الله كان طاح الجنين بس ماشاء الله شكله متمسك بالحياة ...
صالح براحة من كلام الدكتور :طيب اقدر اشوفها
الدكتور :إيه بس لاتطول معاها مانبيها تتعب كثير
##############################
على الغداء صالح مارجع للحين وهو عند منيرة وقال لاهلة وطمنهم عن حالتها

على سفرة الطعام
محمد لسلمان:كلمت صالح ..
سلمان:إيه ياخوي كلمته بعد صلاة الظهر
محمد:وكيف ام نواف ....
سلمان:الحمد للة بخير والتفت على سلمى ...:بوديك العصر عشان تشوفينها
سلمى بضجر :اوكي
فاطمة ببتسامة: محمد ماعليك امر وانا ابغى اروح اشوفها بعد
محمد: ابشررري ...بس مو اليوم مشغول
سلمان :خلاص تجهزي وانا اوديك مع سلمى
محمد بستغراب:إيه والعيال وين بتحطونهم
فاطمة :فارس خله عندك مابيزعجك
محمد:مابقدر اقول لك مشغول
فاطمة :خلاص وده عند اهلي
محمد اوكي
سلمى:وانا بعد باخذ عيالي وبوديهم عند اهلي
سلمان اوكي تمام بس بعد صلاة العصر بمر عليكم مو تتاخرن
سلمى ان شاء الله
####################
العصر كل طلع محمد اخذ فارس لعند خوالة وعيال سلمى اخذه معه .....والباقي طلع للمستشفى


نرجع لي مياف
مياف من الصبح وهي جالسة في غرفتها والحمد للة ميري رحمتها شوي وتذكرت تجيب لها الغداء اما الفطور كالعادة نسته ....البيت كان فاضي مافية احد إلا الخدم ومياف .....ملت مياف من غرفتها من الصبح في الغرفة لاتلعب ولا شي ...محبوسة في غرفتها لليل ونهار
كانت خايفة تنزل وتلاقي ابوها ...وبعدين يصرخ عليها صارت تحاول تبعد عنه خوفها منه ابعدها ..... تجشعت ونزلت تحت من درج المطبخ ...نزلت وشافت البيت هادء وفاضي كانت تسير بحذر بخطوات هادية ماتبي احد يسمعها طلعت للحديقة ومالقت احد راح وراء البيت للحديقة الخلفية ال دائما يلعبون فيها ومالقت احد بعد راحت واخذت الكرة تلعب فيها لحالها ..ملت من العب وجلست واخذت الطابة في حظنها وصارت تحركها وهي منزلة راسها تحس بالحزن مافي احد يبي يلعب معاها. ولااحد يسال عنها الكل صارو يكرهونها ....سمعت صوت ميري وهي تناديها التفت لها: نعم
ميري:انا مو يقول لاتطلع من غرفة ليه اطلع ارجع غرفة بسرعة قبل مايجي بابا ويضربك
مياف بسرعة قامت وراح تصعد لغرقتها سجنها
##########
في المستشفى الكل عند منيرة الحريم ويتحمدو لها بالسلامة ابتسمت منيره لهم وشكرتهم على زيارتهم لها
فاطمة:وش هالكلام انتي غالية وعزيزة عدنا
منيرة:تسلمين ياام احمد
فاطمة:الله يسلمك


خارج الغرفة كان صالح وابو منيرة وسلمان ...وطلال راح يقول عنده شغل مهم سلمان:الحمد لله على سلامة ام نواف
صالح :الله يسلمك
ابو منيرة: متى راح يطلعون بنتي ياصالح
صالح :على كلام الدكتور بكرة
ابو منيرة :طيب راح اخذ منيرة عدنا ترتاح
صالح باعتراض: لا ياعمي منيرة بترجع لبيتها
ابو منيرة:بس ياولدي انت سامع الدكتور وقال إنها لازم ماتتحرك وتحتاج راح وانا باخذها لبيتي عشان امها تقوم بها
صالح: بس احنا مابنقصر وانا موجود والخدم ماشاء الله تارسين البيت لو تبي شي بس تضغط على الزر ويجي لها كل الخدم
ابومنيرة:حتى ولو ياولدي هي محتاجة امها هالفترة واسمح لي اخذها عندي
سلمان تدخل بعد ماشاف عناد صالح: ترى عمي ابوطلال معه حق ...هي الحين تحتاج امها اكثر من اي احد
صالح بستسلام:اوكي التشوفه ياعمي
ابتسم ابومنيرة لصالح:بارك الله فيك ياولدي
#######$$$#$$#######
اليوم الثاني
منيرة طلعت وراحت بيت اهلها هي وعيالها

في الصالة
الكل جالس احد يلعب واحد يستمع واحديقراء
اسمعو صوت تكسير من المطبخ ...بسرعة الكل راح للمطبخ يشوفون وش السالفة
دخلو. لقو الخدامة تبكي ومياف عندها مو فاهمة شي بس تناظرها .....سلمى: وي من كسر الصحون ....
ميري ببكى كذا: والله مو انا ماما هدي مياف كسر انا اقول له انت لاتطلع من غرفتك هو قام يكسر
سلمان بعصبية :وليش مانبينها تطلع من غرفتها
ميري:هدا كلام بابا مهمد
محمد الكان يسمع كل شي وظربت عنده الفيوز محمد :خلاص انتي نظفي هذا وانا اتفاهم مع هال+++++ ماقدر يكمل وسكت واتجهه لمياف الخوف ياكلها اكل اول ماشفت تبوها جاي لعندها بكت ....محمد اول ماشاف دموعها مايدري ليه عصب اكثر .. مسكها من ذراعه وهو يطلعها برع المطبخ:هين انا اعلمك كيف تعاندين ...ياربي ليه ربي بلاني بهذي البلوة.....خلاص بسك بكي ادري كله تمثيل ....اخذها وطلعها لغرفتها اول مادخل الغرفة رماها على سرير بقوة خلا مياف تطلع صوت ااااه
محمد بعصبية وهو يطالع فيها: هش ولاكلمة ماابي اسمع صوتك ... ماتبين تجلسين في غرفتك انا ارويك ونزل من الغرفة وقفل عليها واخذ المفتاح ....
من طلع محمد والكل خايف وش بيسوي لهذي الطفلة ....كانت فاطمة عند الدرج هي وسلمى وسلمان وصالح في الصالة ...يهدون الاطفال الخافو من عصبية محمد
نزل محمد بعصبية وطلع من القصر

###########
صالح بتنهد وشوية عصبية:الى متى مو حرام عليه يعامل البنت كذا ...والله اليشوفه يقول مو بنتة بنت عدوة
سلمان:ااخ حتى العدو مابيسوي مثل اليسوية مايخاف على هالبنت المسكينة وش ذنبها كارها والله حراام ...
صالح بحسرة: اه بس ...لوابوي هنا ماكان صار الصار. ...هو مايسمع إلا من ابوي ...وش رايك نقول له عن كل شي
سلمان :لا ياويلك تقول لها ....انت شفت لما خبرناه بموت احمد انتكست حالتة ...مانبي نحملة اكثر من ماهو متحمل خل يخلص علاجه بعدين يصير خير
صالح وهو قايم :ياللة اشوفك على خير مااقدر اجلس لحظة في هالبيت ...ابي اطلع اشم شوية هواء
سلمان :خذني وياك
######################
عند مياف المنسدحة على السرير وتبكي ....هي ماسوت اي شي والصحون الخدامة هي كسرتهم ...بس لانه مياف قالت لها ماتبي تمسح الارض ...سوت كذا فيها
"""""""""""""""
فاطمة اطلعت لجناحة وهي مارة من غرفة مياف تقطع قلبها عليها كانت تبي تدخل عندها وتضمها احساس الام ... بس ماتدري ايش منعها وكملت طريقة لجناحة وهي تتجاهل بكى مياف وتحاول. تتنسى صياحها
#############
عند البحر محمد الجالس
وحطط ايدينه على راسة
محمد ويفكر في مياف
###########
توقعاتكم ايش راح يصير لمياف اكثر ؟!
هل امها راح تحن عليها وتضمها ؟
الخدامة راح تتمادى اكثر
؟!
ايش نهاية حياة مياف هل راح تعيش بين ام واب كارهينها ؟!

• جنون قصايدليل في التصاميـم
• لآ تسألونيے مـכּ أڪَوכּ •● هُنآ أنفَآسْ وξـشقـہآ כـتى الجنوכּ •●