روحي حياتي لا تحسين بخطاك
وخوني فديتك كان ودك تخونين
انا مع الايام ملزوم ننساك
وانتي مع الايام لا بد تنسين
بس افهمي قلب على الناس بداك
يبقى وفي ماتغيره السنين
هذا مكانك داخل القلب مرباك
لك في خفوقي مثل مانتي تشوفين
عين تودك ودها شوف لقياك
ومسامع تسمع كلام تقولين
معذبك قلبك وبعدك وفرقاك ؟
ولا صور في جهاز تحفضين ؟
ولا السنين الي مضت كنت وياك ؟
شوفي هذااك الوقت وش صار هالحين !
شلي خذا قلبك وشلي هو اعطاك
بالله انا سائلك وش به تحسين ؟
خنتي غرام الي يودك وداراك
الي بذل جهده بدرب المحبين
الي يصون الحب مايوم خلاك
عقبه يابنت وشلون تبدين ؟
الي جرح قلبه لاجل يكسب رضاك
فوق الجروح القاسية ليه تقسين ؟
روحي بدربك واستخيري بممشاك
مثلك يخون ! ومثلنا صاار مسكيين
والي خذا قلبك وروحك ولاماك
صوني غلاته لا تخونين تكفيييين
وحتى لو يعطي ربع ماعطيناك
مثلي ترررا يالخاينه ة صعب تلقين
بقول لك كلمة عسى الرب يرعاك
انا ! نسيتك وانصحك لا تردييين