الكلام – أصيل هميم
الكلام إن جيت أعبر لك قصيد
القصايد يا بعدي تبقى كلام
وانا لو بشرح لك اللي في الوريد
بذهل النجمة وأهز قلب الغمام
يا فديت عيونك آمر وش تريد
بس لا تسألني عن كثر الغرام
مدري كم أهواك لكن الأكيد
كل سنة من حبي لك بألفين عام
تدري وش معنى وجودك بالمفيد
يعني واحد يختصر كل الأنام
يعني وقتي وإنت عن عيني بعيد
كوكب موحش ويسكنه الظلام
كلمة “آحبك” قديمة والجديد
إني واصل معك لحدود الهيام
يا كثر هالناس غير إنت الوحيد
اللي يصحى بقلبي وبعيني ينام
يللي ناقش ميمك ف دم الوريد
يللي حبك يزحم ضلوعي زحام
بسألك بعد اللي قلته بهالقصيد
تعتقد هالحب يوصفه الكلام؟
|