“‏إن التسليم لله والرضا هو الطريقة الوحيدة للخروج من الأزمات النفسيه الناتجة عن ظروف الحياة المأساوية التي لا حل لها ولا معنى"
،
مساء الحب والسلام والسعاده
كلنا عندنا مخاوف وكل شخص له موقف او شخص او مكان او فعل يخاف منه! لكن حابه أسألك سؤال هل راح تتعبين نفسك الي تستاهل انها تعيش بسلام داخلي، كل يوم بسبب هالشي اللي يخوفك؟ او راح ترفضين كل فكرة تخوفك وتتخطينها وتقولين لها : لا! انا ماراح اسمح لك تخربين حياتي الحلوه❗️🌸
الخوف له أسباب كثيره لكن الشي المعروف واللي ابغى أوصلك إياه هو انو الحل موجود وسهل وتقدرين عليه 💪🏻 أولاً لازم تعرفين انو انتي تستاهلين حياه جميلة تعيشين فيها بسلام داخلي ونفسي! تمام؟ ابيك فعلاً تحسين بهالشي انو انا استحق اني أعيش افضل عيشه اقدر اعيشها لنفسي 👏🏻
ثانياً ابيك تشعرين انك قادرة وقوية وبطلة وأنك بكل سهولة راح تتخطين هالشي اللي يخوفك بعد فضل ربي سبحانه 💗 تمام؟
ثالثاً : اعرفي انتي ليش خايفة من هالشي؟ ليش؟ اعرفي الأسباب مثال اذا هو عباره عن "شخص" بعيد اقطعيه من حياتك اذا قريب تقبليه وتقبلي وجوده ولكن لاتسمحين لعقلك انه يكبره ويعطيه اكبر من حجمه! هو شي صغير وسخيف عندك وَلَكِن الفرق انه قريب فقط❗️
اذا هو "موقف" حصل في الجامعه مثلاً حاولي تروحين للمكان اللي حصل فيه الموقف او الشخص اللي صار معه هالموقف وحاولي تذكرين الموقف بس بمشاعر الاستصغار والثقه .. حاولي انك تستصغرين هالأسباب والمخاوف وتشوفين انها لاتستحق ابداً انك تعطينها اكبر من حجمها! ✋🏻
،
كمان حاولي توقفين عن التفكير لان التفكير معناته انه ماخذ اهتمامك وأنتي هنا المفروض تستصغرين وجوده بسبب انه شي مو مهم في حياتك وان حياتك افضل من انك توقفينها على شان هالشي! وحاولي تتأقلمين معها انو موقف وحصل وتعلمت منه! او موقف وصار وصرت أقوى واحذر من بعده. او غير وغير دائماً شوفي الشي الإيجابي اللي صار من هالخوف.
تحدي نفسك وقولي لا انا اقدر بكل سهوله أتخطى هالشي! لأني قويه وأقدر تتغلب عليها! وفِيه شي مهم لازم تعرفينه وهو انك توقفين الشكوك اللي بنفسك ولاتخلين الشيطان يلعب بدوره ويتفلسف عليك ضروري هالنقطة، كل ما حسيتي انك بديتي توسوسين او تفكرين في هالخوف على طووول اشغلي نفسك
حياتك اجمل من انك توقفينها على شان خوف! استمتعي قدر المستطاع لأنك تستحقين هذي الحياه بطولها وعرضها وقوي ثقتك بالله وتقربي اليه 💗
اهتمي بنفسك كويس وتأكدي ان هالخوف يأثر على جسمك وعلى نفسيتك وعلى عقلك وطاقتك ولأنك تحبي نفسك ماراح تعرضين تعرضينها لهالمشاعر السلبية
وتأكدي ان لكل شخص في هالدنيا له مخاوفه وانتي مو وحيده 💗

منقول

مشكوره قلبي ضوى الليل على تصميم مميز ربي يسعدك يارب