وش فيك ماتبكي مثل باقي الناس ؟ = كنك بوادي والبشر وسط وادي !!
وش فيه قلبك ميت او فاقد احساس ؟ = والوضع عندك كنه اي شي عادي !!
وين الغلا اللي تذكره ماله قياس ؟ = شكله كلام لسان ماهو وكادي!!
حاولت ارد .. وخفت .. واوميت بالراس = وارجع .. اجاوب في لغات الايادي
الوذ انا بالصمت من رمي الاقواس = لاتكسر دموعي لو احكي عنادي
ماعاد لي في البيت راحه ومجلاس = كني بوسطه صرت ضايع وغادي
واطلع خلاوي عزبتي كوم قرطاس = ومرت .. وقلم .. والليل دامس وهادي
وانثر من دموع ٍ تساوي للالماس = عندي .. وصارت ماتساوي رمادي
واشرب غلول البعد كاس ٍ بثر كاس = واجرع مراره لين يروي فؤآدي
وابوح للقرطاس مايجهل الناس = في ليل ٍ أظلم دامس ٍ ومتمادي