يا سيد الاحساس مد العطا مد
.خل الوفاء تبقى حباله طويله
لا تبتعد عني وانا عنك ما اصد
الروح لك جزله ولا هي بخيله
اشعل فتيل الوصل والشوق والود
اللي سواتك ما ندور رحيله
ما من يوم اعطيك حاشا ولا اعد
بيني وبينك ود ما هو جميله
انا اقترب وانت اقترب نقصر البعد
الشخص قلبه في حياته دليله
انا عشانك اهدم جبال واهد
ما أحد يلوم الشوق مافيه حيله
لا جاك مرسولي يشد الخطى شد
رد الجواب ولا يجي فيه ميله
وان جيت تكتب عن شعورك تاكد
تذكر اللي ينتظر كل ليله
اسمع وخذ علمي على محمل الجد
أكسر جدار الصمت بأية وسيله
غلاتك وقدرك ترى مالها حد
كلمة غلا في حق مثلك قليله
البوح لو يكتب دهر فيك ماسد
في داخلي شوق ومعاني نزيله
/
كلمات البدر العتيبي
|