مشتاق للجنة,, للأمير سعود بن خالد بن سعود الكبير
مشتاق للجنة وخايف مـن النـار
بين الرجا والخوف أبقضي حياتـي
أحيان يزيدالخوف عنـدي بمقـدار
لأني كثير ذنوب ومن العصـا تـي
ولأني أتوب من الخطيـا والأوزار
وأرجع أطيع النفس في المعصياتي
يالله أنامن نفسـي اليـوم محتـار
أتعـب وانجيهـا وتبغـى مماتـي
يانفسي اللي تأمر بسوء وأشـرار
أريـد بـك خيـر وهـذا جزاتـي
يانفس يوم الحشر ماتقبـل أعـذار
وفي جنة الفردوس نبغي المباتـي
لكن عندي لك سـؤال لـه أسـرار
وشلون ناصلها وهـذي سواتـي!؟
حملي ثقيل ومنة جسمي قد أنهـار
وحتى الخشوع مضيعة في صلاتي
يارب كيف أدعوك في وقت الأسحار
وكلي ذنوب في العلـن والخفاتـي
وياكيف أنا ما أدعوك والاسم غفار
تغفـر ولومثـل البحـر سيئاتـي
أنـاأدري ان الله عظيـم وجـبـار
وأنة رحيـم وكلنـا لـه سنآتـي
وإنة علـى خلقـة حليـم وستـار
وإنة رقيب وكامل فـي الصفاتـي
فيالله يامنزل من الغيـم الأمطـار
يا منبت من الأرض خضر النباتـي
يامجري من القطر وديان وأنهـار
ومن الحصى منشي جبال السراتي
يامقلب قلوب الخلايـق والأبصـار
ياحاشـر خلقـك حفـاة عراتـي
أسألك أناخشيتك في سـر وجهـار
وعلى الهدى طالبك ربـي الثباتـي
وأسألك حسن الخاتمة بآخر الـدار
وتوبة نصوح وعفو قبل الوفاتـي
وأسألك أنا الجنة مع وفد الأبـرار
مع النبـي يـارب هـذي مناتـي