اعشقه لكن بعد ماتقهره
..ابتسم له بس لاشفته كسير ..
حن .. لكن حن لاجبت اخبره
..حب .. لكن خل حبك بالاخير ..
لوعطيته وجهك اعطاك ظهره
..صد عنه ويتعبك مثل الضرير ..
لاتحاول تكسبه ,, ماتخسره
..صير ثلج يصير لك مثل السعير ..
ماتميل الا الغصون المثمره
..ومايسيل من الجروح الا الغزير ..
من قبل لاتنقهر منه اقهره
..قبل لايستحقرك خلك حقير ..
اسكنه .. حرّك جموده .. بعثره
..اعشق ..اكره .. عاتب .. اشره .. حن .. غير ..
انثره .. لملمه .. لملمه .. انثره
..صد .. ياخي طير لو تقدر تطير


لحامد زيد