11-14-2018
|
|
يكفي اعيشك حلم بيني وبيني
بسكات حبيتك واناجيك بسكات
واعاتبك واشتاق بيني وبيني
واهيم بك لـ أبعد حدود المسافات
وارجع والآقي حيرتي تحتريني
والغيره اللي لي معاها معانات
وانتي ولا تدرين فيها وفيني
حاولت اهديها ولا به مهادات
بأقسى احاسيس الألم تحتويني
طعنت عشقي بقتله بس مامات
واطرده عني ومايطول يجيني
احسه اقرب لي من الذات للذات
وحلم ٍ بعيد ٍ ماتطوله يديني
ومع الألم والياس بعشقك بسكات
ويكفي اعيشك حلم بيني وبيني
نايف الشمري
|