منتديات قصايد ليل - عرض مشاركة واحدة

10-30-2018

أغنية أم كلثوم
عودت عينى على رؤياك
كلمات: احمد رامى
ألحان: رياض السنباطى

عودت عيني على رؤياك وقلبي سلم لك امري

أشوف هنا عنيا فى نظرتك ليا

والقى نعيم قلبي يوم ما التقيك جنبي

وان مر يوم من غير رؤياك...ما ينحسبش من عمري

****

قربك نعيم الروح والعين ونظرتك سحر والهام

وبسمتك فرحة قلبين عايشين على الأمل البسام

ان غبت يوم عني افضل انا وظني..يقربك مني ويبعدك عني

واحتار فى امري معاه ومعاك

وان مر يوم من غير رؤياك مينحسبش من عمري

لو كنت خدت على بعادك كنت أقدر اصبر واستنى

واسهر على ضي ميعادك لما الزمان يجمع بينا

ابات على نجواك واصبح على ذكراك

واسرح وفكري معاك لكن غالبني الشوق فى هواك

وإن مر يوم من غير رؤياك ما ينحسبش من عمري

زرعت فى ظل ودادي غصن الأمل وانت رويته

وكل شئ فى الدنيا دي وافق هواك انا حبيته

ومهما شفت جمال وزار خيالي خيال

انت اللى شاغل البال وانت اللى قلبي وروحي معاك

وإن مر يوم من غير رؤياك ما ينحسبش من عمري

ويوم ما تسعدني بقربك الاقي كل الناس احباب

ويفيض على نور حبك اقول مفيش فى الحب عذاب

الحب كله نعيم لا فيه عذول بيلوم..ولا فيه حبيب محروم

يا ريت يدوم للقلب صفاك واقضي طول العمر معاك

ده ان مر يوم من غير رؤياك ما ينحسبش من عمري