لوك لنا تشتاق ماكان صـديت ..
ولا كان حتى الصـــوت تقطعـــــــه عنا ..

اليوم عقـــب البعد للحــــب حنيـــت..
ماينفعـــك لو قلت حنا وحنا..

خــــــــلاص انا من ضيقت البــــال مليت..
تشهـــــــد فجــــــوج الارض منا و منــــا..

الله اكبـــــــر كــــل ماقلــــت لي بيـــــت ..
يجـــــذب صـدى الصوت القصيدة لحنا..

منهـــــا تفتت ثومـــــــة القلب تفتيـــــت..
نظـــرة عيــــــون تنقـــــرا ماحكنـــــــا ..

حسبــــي على الذكـــرى ليا قلت سجيت..
كأنهـــــا على بعض المشاعـــــر تجنـــــــا..

كأنها ظــــــلالي كل ما اقبلـت واقفيت..
ابا اتهنـــــا ماقــــــــدرت اتهــــــــــنا..

اثــــر الغــــلا يوم اشتكـــــــوه العناتيت ..
يضـــرب برمــــــح مثل رمـــــــح المطنا ..

شف خـــالد الفيصل تغــــنى بكــــــم بيت..
والبــــدر والسامر وفزاع غنا ..

كنــت اتمنـــى ليتنــــي ما تمنيـــــت..
ماجـــــات يا مهنــــــا على ماتمـــــــنا..

حتى خذيت من الهــوى كثر ماعطيت..
وعرفــــت فرق المهتــــــني والمعــــــــــنا..

واليــــوم لو اني مـــــــــن غرامك توفيت..
المــــــــوت اعـــز من الغـــــــلاء لا تدنا

لـ نايف شعمل..
__________________