الســلام عليكــم


مالوم قلبي لي رسى في موانيكـ
أو سالت الدمعه لوصلكـ تنادي
الطيب ورد منبعه في أراضيكـ
والسعد شوفكـ يابعد هالعبادي
أدعي عسى المولى يحفظكـ ويبقيكـ
ياأغلى مخلوق سكن في فؤادي



كل مخلوق بنظر عيني جميل ,,
لكن "المحبوب" آيه في الجمال
يوم أشوفه تختفي شمس الأصيل ,,
ويتراقص ليل عمري بالدلال ,,


وينكـ تغيب وتتركـ
البال مشغول !! ..

ليتكـ تحس بلهفتي
وإشتياقي ..

كني بدونكـ روووح
والجسم مذبووول

محدن يحس
بجمرتي وإحتراقي ..

كل ماسألت الناس
قالوا لي لاحوووول

نيران شوقكـ تنطفي
<'' بالتــــلاقي ">


ودي أوصل لكـ رساله من الروح
تحمل لكـ اللي مانطق به لساني
واللي خفا بالقلب مقدر به أبوح
لكن ترى يظهر بعيني حناني
وأحس بكـ فداخلي وين ماروح
ولاصرت جنبي صار وقتي ثواني


لو يموت الشوق بقلوب البشر
مايموت بخافقي شوقي عليكـ
خذ مسافه يوم وأسبوع وشهر
وأعرف أني طول عمري مشتريكـ
بيننا الأيام وأحكام الدهر
وراح تعرف وش كثر قلبي
" يبيكـ "


أبصبر لو يضيق الصبر فيني
على عهد الهوى لاصرت غايب
ترى لجلكـ تعاتبني سنيني
عسى فيكـ الرجا ماهوب خايب
إلى هاج الولع هيض ونيني
واحن لشوفتكـ والقلب ذايب
متى ترسي على لقياكـ عيني
وأشوفكـ ياغلا كل القرايب



اعذرني
ماوصفتكـ بالعمر
العمر وإن طال نعرف منتهاه؟
واعذرني
ماوصفتكـ بالقمر
القمر له يوم ويفقد ضياه ؟
اعذرني
لو تجاهلت الزهر
الزهر له يوم ويفقد شذاه ؟
أنت أكبر من حروفي والشعر
أنت وصف مالقيته بالحياه


أعترفلكـ كان يكفي الإعتراف
وأعتذر لكـ كان يكفي العذر
في ليالي الشوق حسيت إختلاف
مرت الساعه على روحي شهر
أفترشت الهم والضيقه لحاف
ثار بركان حبكـ وأنفجر
مايلام اللي دخل قلبكـ وشاف
" حب " ماشافه بهالدنيا بشر


مالقيت وصفكـ
في قواميس العرب
ياأغلى من الالماس
عندي والذهب
عجايب الدنيا قالوا عنها
سبع
وأنت بعيني
أعجب من أعاجيب
العجب !!


أحبابنا ..
دايم على البال تطرون
والقلب فيكم منشغل
حيل مشتاق ..
الله كتب في داخل القلب تبقون
والذكريات تخلي
~ الشوق ~ : ~ أشواق ~


.. محتاج أضمكـ ..
وأتركـ الدمع ينساب
ويكتب على خدي بلاوي
سنيني ..
.. بالحيـــل ..
ميت من زمن مابه أحباب !!
والكل منهم بالمصايب
يجيني ..
إلا " أنت " وينكـ لاتعذر
بالأسباب "
< أبيــــكـ >
تتركـ كل شيء وتجيني "


مني رسالة حبرها طيب وأعطار
تجمع زهور الفل من كل ديرة
الغيث يسعد في الربا غصن الأشجار
كالصاحب اللي بالوفى زاد سيره
لو الغلى مسموح في بث الأخبار
لأعلن غلاكـ في قناة الجزيرة


صاحت عيوني تنشد القلب رؤياكـ
واثر فؤادي في بعادكـ قصيده
كن السعاده أعشقت يوم لقياكـ
وكن القرايب في بعادكـ بعيده
كل الرسايل كان ترضيكـ تفداكـ
وإلا خذ " قلبي " رسالة جديده

لكم مني ارق تحيه ..........

ربي يحفظك لي ياأمي ولايحرمني اياك