البارت الاول ؛ في الشركه احمد ؛ انتي دايماً تتأخرين ع الدوام وماتشتغلين عدل مب كل مره بسامحج انا مابا الشغل يتعطل ضبطي اوقاتج ! ولا بشوف حد غيرج يشتغل مكانج الريم ماسكه نفسها ؛ استاذ انته تدري انه ابوي مريض وماعندي اخو يقدر انه يشتغل ويصرف علينا وراتب ابوي مايكفينا ماغير مصاريف علاجه وماغير ان كل يوم الصبح عنده موعد فالمستشفى احمد قاطعها ؛ بس سكتي مابا اسمع اكثر كل مره تقولين لي نفس الكلام ماتملين من هالاعذار هذي اخر مره اشوفج تتأخرين فيها اذا باجر اتأخرتي كتبي ورقه استغالتج قبل لا تدخلين الشركه واحين يلا روحي على شغلج ريم راحت ودموعها في عينها مكتب بوسيف سيف ؛ ابوي ماتلاحظ انه احمد وايد قاسي على الموظفين ؟ ترى جي راح يطفرون بوسيف ؛ ياولدي احمد كفو ويعرف شغله وبعض الموظفين يبالهم هالقسوى عسب ينتظمون سيف ؛ بس شي طريقه احسن والطف من هذي ، والشركه مب له بروحه ترى والموظفين اللي فيها محترمين مايستوي يعاملهم جذيه بوسيف ؛ خله على راحته هو يعرف شو يسوي وبعدين استغل الفرصه انته ترى اذا هو خسر الاداره بتكون لك انته سيف ابتسم ؛ طلعت مب سهل يا بو سيف هههه بوسيف ؛ هههه يلا روح على مكتبك سيف ؛ ان شاء الله ابوي فالجامعه نوف ؛ اقول حمده ، شحاله ابوج الحين ان شاء الله تحسن عن قبل حمده ؛ والله شو اقولج يانوف من طاح علينا وحياتنا معتفسه فوق تحت ، بس الحين الحمدلله احسن عن قبل نوف ؛ الله يشفيه ويعافيه يارب حمده ؛ امين في المكتب مها ؛ الريم خلاص لاتصيحين عورتي قلبي الريم ؛ مها ماتسمعين رمسته كل يوم ؟؟ هو مب مصدقني انه ابوي مريض ومب راضي انه يقدر وضعي مها ؛ ماعليج حبيبتي لاتزعلين راح يتفهم ترى هو طيب بس وقت الشغل يكون مزاجه واسلوبه جي الريم ؛ بس لازم انه يقدر ظروفنا مايصير يعاملنا بهالطريقه ! وكل مره يقولي قدمي استغالتج مها ؛ ماعليه حبيبتي انا بكلم لج الاستاذ سيف وهو راح يساعدج الريم ؛ ماتقصرين في ستاربكس سلطان ؛ بتروحون المول اليوم ؟ في خاطري ادخل سينما سالم ؛ يباله والله من زمان مادخلت سينما علي ؛ هيه بنسير ليش لا سلطان ؛ تم عيل بنشوف احمدوه اذا بيي ويانا سالم ؛ اتصل به خبره سلطان ؛ اوكي المكالمه احمد ؛ الو سلطان ؛ مرحبا بالمدير هههه احمد ؛ اخلص شو عندك سلطان ؛ بلااك معصب ياخي اسولف معاك هههه المهم بتخبرك ، بتسير ويانا المول اليوم بندخل السينما احمد ؛ هيه بسير والله من زمان ماغيرت جو ودخلت افلام سلطان ؛ تمام عيل بعد المغرب بنسير احمد ؛ اوكي بيت ريم ام ريم تكلم ريم ع التلفون ؛ شحال الشغل وياج ؟ ريم بغصه ؛ الشغل الحمدلله تمام ام ريم ؛ اهم شي تكونين مرتاحه فالدوام ريم ؛ هيه الحمدلله مرتاحه ام ريم ؛ اقول ريم ريم : امريني الغاليه ام ريم ؛ علني ماخلا منج حبيبتي ، بغيت منج بعد ماتخلصين من الدوام تروحين الجمعيه اتيبين شويه اغراض للبيت ريم ؛ من عيوني الغاليه من اخلص شغلي بروح ام ريم ؛ عسى الله يوفقج ويسعدج يابنتي ديري بالج على نفسج ريم ؛ ان شاء الله الغاليه دخل عليها احمد المكتب احمد ؛ بعد مكالمات في عز الشغل ! ريم ؛ استاذ انا اسفه بس هاذي امي لازم برد عليها احمد ؛ وقت الشغل شغل !! ولاعاد اشوفج ترمسين بالفون مره ثانيه ريم مقهوره ؛ بس مايصير جذيه !! هاذي امي .. احمد قاطعها ؛ لاتردين على كلامي !! يايه متأخر وترمس بالفون ! حلو والله ، شوفي بدل الوقت اللي ضيعتيه بتأخيرج ع الدوام والمكالمه راح تداومين بعد الدوام ساعتين زود *وراح* ريم مقهوره *وقفته* ؛ لحظه !!! توقعاتكم