قلت الغلا وش حيلتي فيه قلي
النفس ضاقت والبدن صار مسلول

قال اصبري يا بنت ظرف(ن) يولي
ترا الجفى ايام ومسيرها تزول

قلت الصبر يفضح خوافي تهلي
مسكين قلب عاش بالبعد معزول

قال البلاء حالي مثل حال خلي
غريب بين الناس والبال مشغول

قمت اتخيل زولك اللي ظهر لي
انشهد ان الزين يسلب له عقول

يا فرحة سنيني و عمري وكلي
هواك وسط الروح بالصدر مشيول

الله عطاك من الحلا مسفهلي
درة خلقها الله بها الزين معمول

لا شفتها تضحك انا اضيع كلي
ياويل قلبي من غلاها وش اقول

قلت استحي بشويش يابعد من لي
قمت اتغزل والحكي صار معسول

نار المحبه في خفوقك تصلي
بعض الكلام ان زاد مافيه محصول

قال افهميني يا غلا الروح حلّي
المساله صعبه وتبغالها حلول

حالي عقب فراقك اصبح مولي
الليل ساهر والفكر منك معلول

قلت الهموم اللي بصدري تعلي
وقت الموادع بيحت كل مجهول

دمعة قهر من عقبها قمت اصلي


يالله تسّمح خاطر(ن)كان مذهول

سود الليالي بالعنا يشهد (ن)لي
حزن كتبته بالدفاتر وكشكول

قال الوكاد الحب غصنه مظلي
مهما تغيب الشمس تبقى لها ذيول