اللي نساني ماهو لزوم يذكرني ّّّ!!!!!!!
اللي نساني ماهو لزوم يذكرني ***لاتذكره في يوم انه تناساني

حقيقة الأمر بالواقع تخبرني *** مع طول الايام مابه شي يخفاني

مافيه داعي على الغلطه تبشرني *** كلمه وعدت وانا حقي وماجاني

لو انها من رحب صدرٍ يقدرني ***ماسوت الشوشره في وسط شرياني

علم انها عن مساري ماتغيرني*** حتى لو انه لبس لي ثوب قوماني

ان ماربحني ماهو لزوم يخسرني*** وان صد ماني على لاماه شفقاني

ماقلت هذا الكلام ابيه يعذرني*** ابيه يذكر من اللي عنه وصاني

وابيه يذكر من اللي عنه حذرني***مع اني ادري ماجاني منه كفاني

يكبر من اسمي ولكن مايكبرني***ياثقل اسمي على ألسانه لاسماني

ياوقت قله ان كان انه يدورني*** بالمرتفع عن طمان القاع يلقاني

اكيد إن بعدي بعينه مصغرني***ورغم ارتفاعي يطوله ظل جنحاني

الوقت بسوئ احتمالاته يخيرني*** واطق له راس خشمي واسرج حصاني

واذا ذكرت الردى الطيب شاورني***مع كيف ..مدري مع اي الطرق وداني

احيان ارقى وبعض احيان يحدرني*** واقول لعلو جاله لاتباطاني

عندي ثقة نفس والمعدن يصبرني*** تثلج اعصابي على طغيان شيطاني

مؤمن وشرد القوافي ماتكفرني*** تعوج لي روسها من قوة ايماني

واليا استحسيت تنهاني وتامرني***تامر علي بحال وحال تنهاني

ومن فكر انه بعد مافات يغدرني***مع احترمي ليا من زلت ألساني

ماعاد هي لحية اجامل وتشكرني*** تغير الوقت ياخاتم سليماني

وان كان وده على الشاشه يصورني***صور ثلاثه وخذ ثنتين مجاني
م/ن