جمرة شعر مانست تلبس ثياب الرماد
تغري كفوف العبث من حرّها بالدفآ


ياليت الايام لو نزعل عليها تعاد
او ليتها ماتمادى كل ماقلت افآ

ياما بذرنا ولاشفنا ليال الحصاد
جدنآ الغلا ماجنينا غير مرّ الجفا

ياما سهرنا وحنّا ودّنا بالرقاد
وياما بكينا وحنا ماكتبنا ( قفآ )


بانت من الشوق اهاتي وغابت سعاد
وقالت حروفي وهي تهزّ الحنايا كفا

حتى دموعي تبي غير المحاجر بلاد
عافت عيوني تبي من شافته واختفآ


مالمتّهن والله اني يوم افك القياد
ماهو غصب يوم انا اعتقهن ولكن وفا

طاحن

مثل

مارقّن

مستاحشات السواد
وصاحن وانا قلت ليت اللي عفآ ماعفآ

ماودي اقول من غير العيون استفاد
اللي تشوف المعاني نصطفيها اصطفا


اكمل بعد ماوصلت لغايتي والمراد
ياهاجسي والله اني مقتفيك اقتفا

بأمر المليك المعظم ماتشوف البراد
وانا الجريح اتعافى مالقيت الشفا

انا وانا اعوذ من نفسي برب العباد
لاقلت لك حط حرفي حط ياقاف فآ

لأني الشعر وانت اللي عليك انقياد
النور نوري ولا ادري منهو اللي طفا

&&

&&

ماجد الأسلمي