تخيل دمعتي سالت على خدي وانا رجّال
وانا والله مابيدي على بعض الخطأ حيله
عجزت اصبر على بعض الحكاوي والصبر قتال
عساها دمعة الشاعر تبيّن لك مراسيله
كتمت بصدري العلة ودمعاتي تسيل سيال
حشا من كثر ما دمعي نزل ماعدت قاوي له
عجزت اصبر على حر الدموع و ردة الافعال
وانا همي وطن شاسع ولا ادري ويش اسوي له
الا ياصاحبي ليت الدموع تحسن الاحوال
عجزت اصبر على فعلي قطعها الله من ليله
وانا ياصاحبي ماني محسب حسبة ٍ تنقال
انا فقري ولد فقري ويالـ ــيت تحكي له
دخيلك دام للدنيا فرح في ناظرك يختال
تسامحني على فعلي ترى ما الشقي حيله
تخيل كلها سبة رساله جــت من جــــــــــوال
وانا نفسي معنيها قبل تاصل مراسيــــــــله
|