قلبها : ماهو على العالم زعول
طاحت الدمعه( على الخد ) الخجول . .
آه من منظر بكاها والكحل .
عينها : كانت مع البسمه تقول .
👁 وين ميزان المحبه والعدل ؟
قلبها : ماهو على العالم زعول . .
من بياض القلب تنسى وش حصل ! . 🤗
مايهمها أمر حاقد أو عذول . .
عاليه : مثل البدر لما كمل .
لا حكت : تدهش ثقافتها العقول . .
ولــ ضحكت : طار الفكر قبل العقل .
من شفاها يطلع الحكي امعسول . .
🤭 كل كلمه منها تنقط عسل .
حاصرتني صابني منها ذهول🤨 . .
وخيرتني بالأسر والا القتل .
قيدتني بالسلاسل والقفول . .
وعزلتني في هذاك المعتقل .
وإبتديت أبحث وأدوّر لي حلول . .
لـ السلام ، ولـ التسامح ، والوصل .
وإبتدا ليل الشتا عمره يطول . .🌧
قلت أبشعل لـ الفرج شمعة أمل .
اسمع أصوات الرعد قبل السيووول . .
وأدعي الله بإستجاااااابه في عجل .
ينفتح كل باب ممنوع الدخول . .
وألقى لي بقلبها دايم محل .
الله يسعد من لها بقلبي قبول . .
من اداريها مدارات الطفل . .
|