04-03-2018
|
|
|
ترى ضاقت بي ايامي وصبري قد وصل حده
صحيح انك معي غالي وتملك قلبي ووده
صحيح انك أمل عمري واحبك حب ماله حدود
وانته الحـب تـدري به وتعـرف جــزره ومـدَّه
يفوق الوصف والمعنى وشعري والحروف شهود
ولكـن لو تمــادى حـد مـنّا ينــقلب ضــــدَّه
وتتــغير موازينــه ويصــبح شـي هِــبْ موجــود
أنا بَقْـــدَر على قلـــبي مع الأيــام بـــاردّه
بسّخر عزمي وصبري عسى اللـه يحقق المقصود
ترى ضاقت بي ايامي وصبري قد وصل حدَّه
انا ملّيِت من نفــسي واخــاف انه الأمـل مفقود
تعب قلبي تعب فـكري تعبت وطالت المدّة
اطالع ظلــمةْ مــزونك وأتمــنّى الربيع يعــــــود
اريـد ارض المـحل تزهـر وأقطف منّها ورده
واقــدِّمها لجل عــينك هــديَّة والســلام يسود
اريـد السـعد يبــقى لك حلــيفٍ ثابتٍ وعده
يضمكّ بالغــلا قلبي وتبقى في هــنا وسعود
اريــد ايامــنا تضــحك بوقــت اللين والشده
وتبقى لي أمل عمري واحبك حب ماله حدود
عسى ربي يوفقنا وباب التفرقة يسده
وتبقى لي أمل عمري وأحبك حب ما له حدود
|