خيط الفرح اشعلته بهجرانك
اثره غيابك نار من بركانك

صدّك مسح كل الخضار بصدري
صلخت جلد الضحك من نكرانك

اوجعت راس الشوق واصبح ينزف
وانا وفاي اللي سرى بدمّانك

اسعفني بصوتك مدامي مخطر
حكيك تراه الشاش وين احسانك ؟؟

وش بك تكلّم هز جذع اقوالك
علقم طعم نبتة شجر حرمانك

أنخى ضميرك واطلبه يرجعلك !!
ادخل على اغلى واحد بجدانك !!

أعقد شماغ الليل بلكي يعتق !!
منهو قضى ليل الشتا سهرانك

اسف مهو بس بالشتا تطريلي
بالقايله قلبي مشى لبيبانك

يابيتهم سولف عساك تفهّم
واذا تغابا تكذّبك جدرانك

يابيتهم من كثر ما مرّيتك
خفت ازعج بصوت الشعر جيرانك

ياغايتي بير الدلايل طافح
انّي كرهت اصل الى خسرانك

ياما الفعل لاجلك حنته عزومي
ظفرت بك بس انت وش ظفرانك

نطلب جنابك وانت ترفع حاجب
صرت اتّكّبّر عقب مانَ أوطانك

ملّيت احلّل في حبال افكاري
واتخيلك في غيرتك وجنانك

قالو ترى النسيان نعمة زينه
وش لي بنعمه دامها نسيانك

لكن فناجيل الزمّن دوّاره
ما ودي اتعود على حرمانك

كم من فرص حطّيتها قدامك
ترفض تناظرها بشوف اعيانك

اذا رضاك يكون عند بعادي
انا اكثر اللي يشتهي رضيانك

لكن اذا فكرت ودّك ترجع
ازرع ختام القافيه بآذانك

ارجوك لاتعوّد وخلّك مقفي
ماهو على شاني ترى من شانك

• جنون قصايدليل في التصاميـم
• لآ تسألونيے مـכּ أڪَوכּ •● هُنآ أنفَآسْ وξـشقـہآ כـتى الجنوכּ •●