عيونك و بسمة شفاك وحشتني
على ثباتك في خفوقي اهنيك

لك صورة ما عمرها فارقتني
في كل ركن و ركن القى معاليك

فرقاك والغيبة بعد علقتني
عشقتك اكثر واكثر الله يجازيك !

وليت الليالي يوم غصب أبعدتني
نستني اطيوفك و اسمك و ماضيك

اواه من ذكر الغلا ما اعتقتني
في كل ليله اذكرك واحلم اجيك

والناس لا من جيتها احرجتني
كن العرب متفقه اتجيب طاريك

لكن عهد كان الليالي امنحتني
فرصه جديده مرة التقي فيك

مديت كف بالوفا صافحتني
اشره علي ان كان بقفي واخليك