لاتتعبيني يكفـي القلـب مجـروح
لاقلت احبـك اسكتي...واسمعينـي
ماجيت ادوّر فيك لوعات وجـروح
جيتك وانـا كلـي امـل تسعدينـي
جيتك وانا كلي احاسيس ووضـوح
جيتـك ابـي لوساعـةٍ تفهميـنـي
والله ماغيرك سكن داخـل الـروح
ولاغيرك انتي وسط قلبي وعينـي
والعاشق اللي يعشق بصدق مفضوح
لو جا يـرد الشـوق لازم يبينـي
لاتساليني وش ورى الهم والنـوح
وفي عز جرح القلـب لاتسالينـي
ياليتني اقدر علـى البـوح وابـوح
ان كان ماشفتي الشقـا محتوينـي
ياللي تحسبين الهوى لعب ومـزوح
شوفي سواة العشق والهـم فينـي
بعض الغرام ايجيله ايـام ويـروح
وانتي غرامـك بالحشـا مبتلينـي
لاتتعبيني يـادوى القلـب والـروح
لاقلت احبك اسكتي واحضنينـي!!!
|