منتديات قصايد ليل - عرض مشاركة واحدة - بالهداوه يا دوا المشتاق خذني بالهداوه الفصل الخامس عشر

03-21-2018

يتبــــــــــــع <<<<<

الموووووهيييم...
عقب كمن يوم.... سافروا قوم احمد وحرمته وسعيد وحرمته وطبعا قربت المدارس وقرب الجامعات وودوم كانت جاهزه ومتشريه كل شي حق الجامعه وسلامي نفس الشي...
وقبل لا تبدأ المدارس باسبوع...
الضحــــى في بيت يدهم محمد
الكل يالس فالصاله في بيت اليد ( اليده – اليد – راشد ( بو علي ) – ام علي – مطر – سيف – علي وحرمته – ميرووه )
اليد : ها شالراي الحينه ؟!
اليده : الراي رايك يا بو راشد...
اليد : هالعيال شو رايكم ؟!!
راشد ( بو علي ) : انزين ما مني عضيله وامره زاهبين.. وام علي بتزهب كل شي هي وبنتك ميرانه.. ما بيقصرن...
اليد : والنعم... زين عيل اتزهبوا اليوم بنسير العزبة عقب الغدا
مطر : ما عليه ابويه لكن انا اليوم ما بروم... باجر بصبح بكم
اليده : وايه شو بيحيرك عنا ؟؟؟
مطر : والله يا عيوزيه مشغول شويه وباجر بلحقكم
اليد : وانتي بلاج عالصبي خليه عراحته مشدوه الريال ووراه مونه اتحرينه شراتج ما عنده مونه يوم يصبح يصبـّـح بصرودته وقهوته
اليده : اص.... صه.... بلاك اتحرطم بليا ذهن...
الكل : ههههههههههههههههههههههههه
ميرانه : هيييييييييييييييييييييييييييييه... الله... ياااااااااااااا سلاااااااااااااااااااااااااااام سلللللللللللللم >>>> ونشت من بقعتها اتقولون هب شايفه عزبة في حياتها...
مطر : اهبي عنبوج
ميرانه : اششششششششش >> وحاطه اصبعها على ثمها.... انته ما اتعرف
مطر ( باستهزاء ) : لااء.. صدق.. علمينا يا ام العريف...
ميرانه : سوري حصري فقط عندي انا ميرااانه بنت راشد...
اليده :ايهاااااااا يا ميرانه لو بغيتج حرمه...
ميرانه : قوم عمي سلطان وعمي سالم بيسيرون فيانا..
اليده : بنخبرهم وشورهم في راسهم...
وخلاف خبروا قوم بو محمد وبو سعيد...و قرروا يسيرون البر يباتون هناك.... تراه عندهم كمن مزرعه وعزبه...
المهم في بقعه كلهم عزبهم عدال بعض بس اكيد في مسافه بين كل عزبه والثانيه مب عوده لا عاديه المهم انهن عدال بعض.. عزبة اليد محمد وعزبة راشد ( بو علي ) و سلطان ( بو محمد ) وسالم ( بو سعيد ) وساروا كلهم هناك طبعا كانت فكرت يدهم محمد انهم يباتون كلهم فالعزبه قبل لا تبدأ المدارس وكلهم وافقوا...
وساروا اليد محمد واليده ومطر / في عزبة بو علي : راشد بو علي و ام علي و عبيد و سيف و ميره و علي وحرمته وعياله.. / في عزبة بو محمد : ساروا كلهم... / في عزة بو سعيد : كلهم الا احمد وحرمته وسعيد وحرمته لانهم كانوا مسافرين...

وفالليل فالبر... عالعشا كلهم متيمعين عند يدهم محمد >> الله يعطيه طولت العمر..
الرياييل رباعه والحرمات رباعه
بو سعيد : منصور بويه قم سر طالع امك قولها ابويه يباج
منصور : ان شاء الله ...)) وسار صوب الحرمات داخل ... ويوم دخل دق الباب وهود ((
منصور : هووود.. السلام عليكم
الكل : هدااا...عليكم السلام....)) طبعا الحرمات سألنه عن حاله وجاوبهن ((
اليده : تعال الغالي... تعال ايلس عدالي...
الحرمات كانن يالسات على الارض عشكل دايره .. ام سعيد يالسه عدال اليده وعدال ام سعيد ودوم يالسه..ومحد من الحرمات يتغشى من منصور الا حرمت علي ولد عمه راشد فعادي اذا يلس عندهن.. المهم سار صوب امه ويدته ويلس في نصهن...
اليده : ها الغالي شو فخاطرك..
منصور : ما شي بس بويه طرشني يبا امايه..
ام سعيد : يبانيه..
منصور : هيه ويترياج خاري الحينه..
ام سعيد نشت وسارت صوب سالم ( بو سعيد ).. وطبعا يوم قامت استوت وديمه يالسه عدال منصور بس بعيده في مسافه بينهم..
وديمه (( يالله وهذا الحينه استوى عدالي.. اففففف... اقووم ؟؟!! ))
ام محمد تمت اطالع بنتها بنظر غيض.. تباها اتقوم من بقعتها... لكن وديمه ابد ما انتبهت على نظرات امها..
اليده : اتعشيتوا
منصور : الحمدلله
اليده : شو الرم..)) الرم = الخدمه = او الطباخ.. يعني شو رايك فالطباخ ((
منصور : فنان ما فيه حيله...
اليده : هيه يا حيه.. أي عشه فيها ريحة الضو والحطب ما عليها كلام..
منصور : نعاااااااام اسميه صدقج..من كلامي..
ام علي : منصور..
منصور : عونج.
ام علي : عانك ربك.. تدرس انته الحينه
منصور ابتسم : يقولون..
ام علي : ها.. افا.. اشعنه..
منصور ابتسم بعد
ام علي : وين شرات عبيد وال غير..
منصور : لا انا فالجامعه.. عبيد فالكليه..
ام علي : هيه... ميرانه بعد فالجامعه..
منصور طالعها لانها يالسه عدال امها >>> طبعا كانت نظره سريعه...
شوي ولانه ودوم نشت من مكانها... هنيه خفت نظرات الام لانه بنتها ثارت..
اليد : وين الغالي ؟؟؟
وديمه : بسير خاري..
اليده : هيه..
ويلس منصور يسولف شويه فيا الحرمات وشويه يغايض يدته وخلاف جان يسير خاري عند الشباب.. كانت ودوم اترمس يزوي متصلتلها
ودوم : منوه عندج اسمع حشره
يزوي : هذا راشد حاشر البقعه
ودوم : هيه راشد.. انزين يزوي
يزوي : ودوم صبري خليني اشوفلي صرفه وياه
ودوم : ليش بلاه
يزوي : اونه يباني اسلم عليج..
ودوم سكتت.. ميرانه ضهرت وسارت صوب ودوم
ميرانه : بوووووو
ودوم خافت : والعثره... هبي هباج الرب...
ميرانه : منوه اترمسين >> بحركات خبث
وديمه : يزوي بنت خالي
ميرانه : هيييه.. وعلومه الحبيب الولهان.. ااا اقصد راشد >>> بحركات خبث...
وديمه : جب يالماصخه
اتغيض منصور من الخاطر وخطف ويوم شافنه سكتن >> كانن واقفات عند باب البيت
وعقب ما ظهر من الليوان..
ودوم : سباله وحده جان ما سمع.. والسبه انتي
ميرانه : لا اتخافين ما سمع..
منصور (( يالله يوني ما سمعت سبحان الله... لو ما ابا اسمع بس الله لازم يكتبلي اسمع ما ادري ليش.. وشو السبب.. ))
الموووهيم...

فاليوم الثاني....فاليل
الكل سار عزبة اليد محمد من حرمات ورياييل وشباب وبنات ويهال الا وديمه وسلامي كانن يتمشن .. الشباب حمد ومنصور وعبادي وسيف ومحمد وفلاح وسلطان يلعبون بدراجات خاري فوق العراقيب...
وديمه : تدرين سلامي...
سلامي : شوووه
ودوم : افكر انسير صوب عزبتنا.. وخلاف اسير صوب الخيول
سلامي : بس لا اتكملين عرفت شو تبين..
ودوم : انزين شو رايج...
سلامي : لا ما فيه .. وبعدين انا ما اعرف اركب.. ومحد هنود الحينه يساعدونا انضهرهن لا لا ما فيه..
ودوم : يا بنت الحلال برايج ما تبين تركبين انا ابا اركب ما عليج.. اعرف كيف..
سلامي : لا ودوم لا ما فينا يستوي شي ولا شياته
ودوم : طيعي الشور اذا ما تبين عراحتج لكن انا ابا وبعدين شو بيستوي.. ان شاء الله ما شر...
سلامي : اف منج كيفج بس انا ما يخصني ما بساعدج
ودوم : عادي.. مب لازم..
وسارن عند الخيول..ودخلت وديمه وضهرت ظبيه اونه تبا تركبها.. وعفكره وديمه يوم هي صغيره كله تركب الخيل وكانت لها خيل حقها بروحها بس من كبرت طبعا ودرت ركوب الخيل.. ولو حد درى يا ويلها خاصه يدها محمد ويتدها... ولانه محد كان هناك الا ودوم وسلامي.. وكان محمد مسوي لخيوله مكان يوم يضهرها من الشبج مالها يوديها داخله عسب تاخذ راحتها بس طبعا مثل ما هو مبين فالصوره ^_^
المووووهييييم
وسارت وديمه بتركب ظبيه... سلامي كانت وافقه برى السياج..وحاطه ايدها على حدايد السياج واطالع وديمه وتضحك عليها.. منصور وعبادي كانوا يتسابقون.. وخلاف منصور كان يبا يشرب ماي وكان اقرب شي له عزبة بو محمد وسار صوبها... ونزل من الدراجه وكان لابس قميص كت وبنطلون وكاب وشعره يبين من تحت خاصه انه طويل.. بس مب طويل مثل هالشباب اللي يطولونه لين الجتف او الظهر .. اخ شكله خايس ... جيه حلوووو طويل غليظ ونعيم... ومقصوص مرتب.. وحاط فوقه الكاب.. لكنه يبين من تحت الكاب وضاهر خاري ومسوي قصه ^_^ لين عيونه
في نفس الوقت ودوم ما وحالها من ركبت ظبيه الا طارة ابها حتى ما وحالها تركب عدل وسلامي اتروعت.. ودوم متقبظه بالقو حتى ما يلست عدل تدرون الخيل يوم تبطي ما تنركب يوم يومين او اكثر تنسى الركوب فيوم بيحاول الواحد يركبها بتربع به فلازم تتروض.. ودوم ما درت انه ظبيه ما انركبت من فتره محمد خلاهن يرتاحن من الركوب... المهم سلامي اتباغم ولا عرفت شو اتسوي وتمت متروعه على بنت عمها وودوم متمسكه وخلاااااص بطيح..
منصور بعده ما دخل البيت سمع صريخ... اتروع خاصه انه فالليل وبر والكل عند يده محمد ومن وين بيي هالصوت.. كان يبا يشرب ماي لكنه لف وسار لين مصدر الصوت... وتم يمشي .. في خاطره (( شو هالصوت .. بسم الله... يمكن خيووول.. لا هذا صوت ياهل ...بنت ... المهم حد.. حد يصرخ )) ومشى ولقى وحده واقفه اتباغم ومتروعه ولف ويهه ولقى الخيل تربع بليا ذهب وعليها حد اتروع وربع وشوي ولانه اخته سلامي وافقه اتصيح ما اتعرف شو اتسوي..
منصور : بلاااج منو راكب الخيل...
سلامي مارامت ترمس.. ورمستها متقطعه : و ..و .... ود......وو...ووو...م
على طول لف ويهه ما فهم عليها وربع صوب الخيل بس من برى.. يعني ما دخل داخل يبى يهدي الخيل.. وشوي ولانه الصوووووت
طااااااااااااااااااااااااااااااااااااااااااخ... طااااااااااااااااااااااااااااااااااااااااااااااااا ااااااااااااااااااااااااااااخ
شو اتوقعون استوى..

7
7
7
7
7
7
7
7
7
7
7

7
7
7
7
7
7
7
7
7
7
7

7
7
7
7
7
7
7
7
7
7
7

7
7
7
7
7
7
7
7
7
7
7

7
7
7
7
7
7
7
7
7
7
7

7
7
7
7
7
7
7
7
7
7
7

7
7
7
7
7
7
7
7
7
7
7
يالله يا الفضوووول

ما بقولكم... بخليه فخاطركم..

وال بخليه للبارت اليااااااي...

شو رايكم.. فكره صح....

وال بخليه سؤال واللي بيجاوب له جايزه ^_*

شو اتوقعون..؟؟

لووووووول

فكروووا شويه..

شغلوا مخكم.. خاصه انه الدوامات قربت...

يعني الحينه انا فيه الخير اني بسويلكم براكتس .. بعد شو تبووون...

هع هع هع هع

خلاااااص بخبركم...

نزلوا شويه وبتعرفون

بعد شويه..

بعد مره

بعد...

وديمه طاحت ما رامت تتمسك اكثر لكن ريلها عند الكعب لطم فالسياج وطاحت برى السياج... واغمى عليها..
لكنها طاحت على منصور... اللي كان يحاول يهدي الخيل ويساعدها... سلامي يت تربع صوبهم..
سلامي : منصور... ودووووووم....
منصور : انا ابخير.. طالعي ودوم...
سلامي مسكت ودوم ولانه مغمى عليها..
سلامي اتصيح : جنه مغمى عليها...
منصور : خوززي انزين.. اقوووول سيري هااااتي ماي وعطر ولا شي بسرعه )) ومسكها وخوزها عنه شوي شوي .. وخلاف قام وحاول يقومها ويصفعها عسب اتقوم ((
منصور : ودووم.. وديمه... ودوم... )) ما شي رد ((
شوي لانه سلامي يايه تربع وشكلها كان يضّحك.. المهم.. مسك الماي وجبه عليها.. وحاولوا يقومونها... وبعد محاوله دامت مده.. فجت ودوم عيونها وضهرت علامات الفرح على ويهه سلامي ومنصور...
وحاولت اتقول وتيلس بس بغصب ضهرها يعورها عقب الطيحه وطبعا بمساعده من سلامي قامت..ويلست بس ما نشت على ريولها..
سلامي تلوي عليها : دبووووووووووه قلت لج بس انتي عنيده.. حراااااااااااااام علييييج كنت بموووت...
ودوم حاطه ايدها على راسها ومب مستوعبه شي...
منصور : شي ياج... شي صابج... اذا اترومين اتقومين ....قومي يالله..
ودوم لفت ويها صوبه وبعد مب مستوعبه ونظراتها غريبه...
منصور (( لو تدري اني انا بتغيض... مسكين حالها ))
سلامي : قوووومي خلينا انوديج داخل ترتاحين وخلاف بنشوف حد يوديج الدختر
ودوم : لا دختر لا ما ابا..
سلامي : انزين قووومي..
ويوم يت بتقوم طاحت ما رامت عورتها ريلها تراه كعب ريلها لطم الحديده .. وتمت اتصيح عظامها اتعورها
سلامي : قومي انا بساعدج
ودوم اتصيح : ما ارووووووم
منصور سار ومسكها من ايدها
ودوم : فجني... لا اتصكني...
منصور طنشها.. وسار وشلها طبعا ما شلها شل.. لا وقفها بمساعده من سلامي وخلاف مسك ايدها حطها ورى راسه ومسكها من خصرها وحاول يمشيها شوي شوي طبعا ما مشت ولا خطت ولا خطوه اصلا ريلها ما رامت اتحطها على الارض ..و بغت اتمووووت من المستحى ما طاعت اتحط ايدها ورى راسه استحت او انه يحط ايده عليها...
منصور : حطي ايدج
ودوم : مااااا اباااا فجني...
منصور : قسم بالله اذا ما حطيتي ايدج تراني بشلج شل.. شرى الزلمات...
ودوم : لاااااااااااااااااااااا
منصور : حووووووووووووه هاتي ايدج...
وديمه سارت وضربت ايده..
سلامي : ودوووووم.. سمعي الرمسه وانا بساعده بعد وبمسكج..
ودوم اتصيح : ما اباااا... اصلا ما اروم امشي... اااااااييييييييي
منصور : عيل بشلج.. )) وسار ونزل عمره اونه بشلها مثل الزلمات.. وديمه ما طاعت وكانت بتعضه << شرسه *_^((
سلامي : وديمه... تبيني ازقر ابوج ولا خووج.. بعدين بيعروفون ويا ويلللي لج.. يسد انه منصور كشف
ودوم : ما ابا خلااااص ما ابا
منصور : هيه لو راشد بطيعين..
ودوم طالعته بعيونها الممزوره دموع : اتخسي الا انته.. خوووووز عني...
سلامي : والله العظيم انج اتخلينا انوديج سباله يمكن ريلج مكسوووره.. والله لو دروبج انه بزوالج.. عن العناد هاللي فيج...
منصور : خليها مشكلتها.. بسير اشرب ماي والله ما يسد انها طاحت عليه وكسرتنيه .. وبعد اتعاند... جيه ميت عليها ابا اشلها.. اتخسي الا هي... يعلها من هذا واشد اصلا انا افرح يوم يصيبها باس..)) وخلاهن وسار ((
سلامي : منصووووووووووووور... تعااااااااااااااااال
منصور مطنش...
ودوم : خليه برايه ما اباه وكانت يالسه طبعا...
سلامي : وديمه ... غبيه انتي غبيه.. قومي انزين .. انا وين بروم اشلج.. يا ويلي...
ودوم : برايني .. (( وزادت صايح.. وجان تنسدح وترقد على يمبها ما رامت عظامها متكسره ولا اتروم اتنش ))
منصور سار بكل برود وشرب ماي.. وسار ركب دراجته.. وظهر.....ودوم تمت منسدحه ما اتروم اتشل عمرها.. من الويع اللي فيها وميته صياااااااااااااااااااااااااح
سلامي اتصيح وياااااااااااااهااااااااااااااااا.. ولا عرفت شو بتسوي.. سارت تبا تيب ثلج من داخل...
ويوم كانت داخل منصور رد ثاني مره بس بدراجته ما رام يخليها خاصه اذا كان فيها كسر ولا شي المنظر اللي شافه يروع زين ما ماتت لبنيه.. ومهمى كان كرهه لها.. ما رام يخليها..
ووقف الدراجه عدالها...
منصور : قومي انزين بركبج الدراجه ولا بمسكج وبوديج داخل قومي...
ودوم وهي منسدحه والدموع تحتها : ما.... ابا >>> بصوت واطي وتعباااااان
منصور اول مره يحس انه غاضن عليها او انه صدق مهتم : قومي.. لا اتعاندين.. وديمه.. قومي.. ما عليه.. اذا انج ما تبيني امسكج.. انا فاهم ولا يهمج باجر بملج عليج.. بس قومي << يطنز عليها..
ودوم اتغيضت من رمسه وزادت صياااااح : قوووووووووووم عني اكرهك..
منصور : عادي اللي يسمع انا ميت عليج.. قومي.. عن الدلع.. ولا بسحبج غصب تراني...
ودوم : ذبيحه تسحبنيه...
منصور سمع رمستها ويلس يتخيل وجان يضحك : صدق متفيجه..
ونزل عمره ولف ويها صوبه وتم يطالعها وديمه طالعتها بعدين نزلت عيونها استحت وحاولت اتخوز ايده عنها... هو ابتسم لها
منصور : انزين يا كره العالم وعناده كله.. بتقومين بطيب ولا اقومج غصب..
ودوم : وانته شو يهمك هاه شو يخصك بدال ما تحتفل هناك باللي استوابي.. شو تبا ما احيدك راعي فزعه اذا كانت السالفه فيها انا..
منصور اتغير ويهه من الابتسام الا لا تعبير ولا رد عليها ومسكها وقومها وهي اتألم من الخاطر.. وجان يشلها وهي ما رامت اتقاوم لانها اصلا ما اتروم اتحرك ريلها.. خلااااص متكسره لبنيه وجان يحطها على الدراجه وركب وكانت يالسه على يمبها جدامه.. وحط ايديها ورى راسه..وهي ما رمت تسمكه خاصه انه شعره .. واصلا استحت. بس لزوم لانه كان مسرع بالدراجه....وكان ماسك سكان الدراجه ومره يمسك ودوم.. وهي خلاااااااااص تتمنى الارض تبلعها على انه منصور يمّّـن عليها وتوها سلامي بتضهر من داخل بس شافت منصور ياي ويايب ودوم فياه.. ارتاحت...ووقفت عند الباب..
منصور : تعالي بعد ليش موقفه...
سلامي سارت صوبه..
سلامي : اخييييييييييييرا.. عنبوووه... فدييييتتتتج مشي دموووعج
منصور : خيست قميصي بدموعها.. طالعي
ودوم متغيضه : لك الشرف...
منصور : اتخسين.. اونه لي الشرف... تحمدين ربج اني موجود
ودوم عصبت من رمسته وجان ااتحاول اتشل عمرها تبا تنزل من الدراجه.. بس ما رامت وجافها انها اتغيضت جان يبتسم...ونزل من الدراجه وشلها.. وطبعا قبل كفخته لين قال بس حليله يزاه يشلج الريال رغم كل الكره اللي تتبادلونه... ووداها الصاله خلاها تنسدح...وسلامي تلحقها..
منصور : بسوي لحمد ولا محمد بخبرهم
ودوم : لااااااااااااااااااااااا
منصور مستغرب : ليش
سلامي : لا ورفت غالي ما اتخبر...
منصور : ؟؟؟؟؟؟؟؟؟؟؟؟؟
سلامي : يا الغباء.. لو دروا انها ركبت الخيل يا ويلها...
منصور ابتسم : وليش تركب الخيل من الاساس.. صدق خبال.. اسف انا ما اروم اجذب بخبر اذا حد اتخبرنيه
سلامي : حراااااااااااام علييييييييك .. هذا وانا رفجت..)) وديمه طالعته بنظره.. ((
منصور : برايها محد قالها... وانا ما اتهموني.. عادي عندي..
سلامي : افا اتسوي حسنة وفيها سيئه
منصور : انزين فكينا وشو الحل.. منوه بيوديها الدختر.. حتى ريلها ما اتروم تمشي عليها..
سلامي : ما ادري...
ودوم : برايني )) وكانت اتمش دموعها ((
منصور : عراحتكن... عيل انا بسير.. وتمي هنيه متكسره انزين... )) وسار ((
شوي ولانه ودوم ما اتحرك.. لا صوت ولا حس ولا خبر.. سلامي اتروعت وسارت وحطت اذنها صوب قلب ودوم >>> الحبيبه اتحرها ماتت
وكانت طبعا سلامي متيبسه.. لبنيه ما اتنصخ... شو ياها... >> اكيد من الطيحه اللي طاحتها
وجان تبرد عظام سلامي وحاولت اتباغم تزقر حد ما رامت ما طلع حسها لبنيه ماتت.. ما اتنفس.. حالت صدمه وخووووف وحزن واستغراب كله حل بسلامي...