يعريك الزمن يا طير دام انـك كسيـر اجنـاح
تخيل في شبر مويـه تمـوت ويعلـن أغراقـك


تعلمت التجهم في الوجـوه ولهجـة الأشبـاح
وطارت بك خفافيش الأنا فـي لحظـة إشراقـك


كفرت بصادق الضحكة وصدٌقت أتعس الأتـراح
وعايشت الصخب حتى كسيته معظـم اخلاقـك

تشوف الناس تتشابه فقـط مستنسخيـن أرواح
بُهيِمييـن أُميـيـن مــا يـقـرون بـراقـك


نسيت أن البشر صنفين يا مجروح يـا جـراح
سجين أوهـام تتمنـى بثـوب يستًـر إخفاقـك


تعلم تنكسر شامـخ و كفكـف نزفـك الفضـاح
ترى ما جابك إلا الله وحظـك للعطـش ساقـك


دخيلك صفـد اقرانـك وخـل الحـاذق اللمـاح
يصفـي نيتـه فـدوة صـدور كثيـر تشتاقـك


و لا توقف على أطلالك تمجد عزك اللـي طـاح
تماسك واجمع التفكير وراسـم وجـه سراقـك


و لا تفرك يدينك حيـل يمكـن ينتثـر مسبـاح
و تقرا في عيون الناس كيف اتبعثـر أوراقـك


ظلام الليل ما يرهب ما دآم أن القمـر وضـاح
عساك اتعانق اكفوفٍ تمـوت بلحظـة اعناقـك


يجي سقط الحكي أحيان في وسط الصدور ارماح
أجل و ش وقعها بظهور من حبـوك و أرفاقـك


نضوج التين ما يعني نضوج التـوت و التفـاح
و لا يعني معى كثـر السفـر تتوسـع آفاقـك


و لا قرب الزهر يعني تشـم أريجهـا الفـواح
ما دآم القـرب ل أنفاسـك لإنـه بيـد خناقـك


فقدت القفل في بحرك و لك في نظرتي مفتـاح
تدور لـه و تلقانـي علـى عهـدك و ميثاقـك


تصدق بالضحك لو ما بقى إلا سنبلـة أفـر اح
لإن الضحك يتضاعف حسب جـودك و إنفاقـك


تعلمني وعلمنـي و طمـن خاطـرك و ارتـاح
حرام اتعاقب التفكير ،، كيف اتعيق سباقـك



مــــنـــقــــــول