الدنيا يوم لك ويوم عليك .. يوم تضحك لنا وتضحكنا ويوم تبكينا ..
ويوم تعطينا احلى ناس نحبهم يحبونا وهم حياتنا وكل شي بالكوون.. وفجاه بدون سابق إنذار
تاخذهم منا .. تاخذهم لمكان بعيد مستحيل نوصله
مكان احسن من اللي احنا عايشين فيه وعند اللي احسن مني ومن الجميع .. وتأخذ ناس منا تبعدهم عنا لكن مو لمكان بعيد لا
تاخذهم لدنيا جديده .. دنيا تشغلهم عنا وينسون كل شي
كلامهم وعودهم وكأنهم ماعرفونا قبل .. هاذي هي الحياه لازم تجرحنا تألمنا تقسى علينا ونتحمل عشان نعيش لأنها ماتتوقف عند شخص
هذا كلام الناس .. ولكن انا حياتي توقفت عند اول شخص فقدته
اول شخص تركني بالدنيا لحالي قست علي الدنيا والبشر
أصبحت وحيده .. توقفت عند وفاة امي من بعدها الكل تركني
وانشغل بحياته وأصبحت اشكي لنفسي همومي ..
الناس بدت تسحب نفسها واحد تلو الآخر ولا عدت اعرف
الحبيب من العدو .. رحل من كان ينور طريقي
ولم يبقى لي سواء قلمي ..


أخ قلبي .. بقلم نظرة الحب