[ALIGN=CENTER][TABLE="width:70%;background-color:black;"][CELL="filter:;"][ALIGN=center]





أبفتح كل صفحاتـي وابحكيلـك مـن الوجـدان،،
وانا أترجاك تسمعنـي وتعـرف كـل مافينـي



أنا ليلٍ طـواه الهـم وفجـره للأسـف مابـان،،
ظلامه زايد عتمـه ولابـه نـور يضوينـي



أنا بحر عميق القاع وموجـه يشبـه الطوفـان،،
ولابه زورق يرسـي علـى سطحـه يسلينـي



أنا عمري ولحظاته الم مع هم مـع أحزان،،
كتمت الجرح في صدري وناره حيـل تكوينـي



بنيت بداخلي قصـر أبيك تكمـل البنيـان،،
لقيتك هادم قصري وساسـه بـدل بطينـي



يهل الدمع من عيني إذا شفتـك علـي زعـلان،،
وأدور كل مايرضـي ضميـرك يامعنينـي



تحملت الطعون وقلتلـك باكـر تصيـر إنسان،،
وبدل ماتشفـي طعونـي بسكينـك تعادينـي



نهاية حبنـا بانـت بـروح لعالـم النسيـان،،
حلفت أنساك ياخلي وانا ما أبيك تطرينـي



انا عندي كرامه وأنت صعب انـك تهيـن إنسان،
يصون العهد في حبك خساره طحت من عيني



أنا ما أخون ياخاين وحبـي ماعـرف نقصـان،،
بتمم كلمتـي وانهـي غرامـك مـن شرايينـي



مع ودي ....





[/ALIGN][/CELL][/TABLE][/ALIGN]

الموضوع الأصلي : انا عندي كرامه وأنت صعب انـك تهيـن إنسان... || الكاتب : جنــــون || المصدر : منتديات قصايد ليل

 

التوقيع: