ذكرت الله سبحانه رحيم ويرحم اللي مـــــــات
خلق آدم ومن طين نفخ والــــــروح محييها



هجرت الناس ولحالي أخـاوي ليلي بحسرات
أراجعذكريات الأمس مضى لي وقـــــــــت آخاويها



أبكسر لك من ضلوعي قلم وأرسم لك اللوعات
وعلى جرحي ابكتب لك عن الدنيا وامانيها



رجيت الشمس في لحظة غروب وطالت الساعات
وانا كنـي دقايقها واســافر فـي ثوانيــــها



مشاعر في بحر هايــج يتيمه من طرف أموات
وبحور العشقمهجورهـ من يحــــدد شـــواطيــــها



مشيت وخطوتي ترسم شعور وصورة الهقوات
مدينة صمت والشارع محـــطة دم وابنــيها



مع الايام والصوره رسمــــت بريشــــة المــــأسآت
من ألوان العذاب أرسم إســــــم دنيا ومآسيها



سألت دروبها عنـي سؤال وفي الاجابه مات !!
سؤالي لو سأل ميت جـــوابه مـــات مــــــاشيها



أنا وحظي بنينا قصور رمال وصرحها ما فات
رياح وشالت أبوابه وخـــانت حـــلم بانيـــها



أنا إعرابي فعل ماضي لإسم غربه ألم وآهات
وأنا الحاضرواببنـي له مواجع كنت مخفيها



شربت من السكوت إحراج أجامل بأكثر الاوقات
ولقيت الناس طماعه وجزاة الطيب خافيها



سكوتي هو تسبب لي تحملت أنا الغلطات
أراجع واعتبر نفسي أنا الغلطان تاليها



أنا مسافر مع أيامي وارافق رحلة الساعات
وأبي صالة مطار اليأس أبجلس في كراسيها



أناتجرحنـي الكلمه أفكر بأبسط الكلمات
وأسولف واشرح لنفسي واعاني قصتـي فيها



دقيقه من عمر ساعه الى يوم و عمر وأوقات
من ايامي كشفت اني وقفت وقمت أقهويها



خـلاص ابسكن في مدينـة صمـت وأكمل هالعمر بسكـات
نهاية قصتـي وادري مصيرالمــوت يمحـــيها


.مــــنــــقــــول