ماني ضعيف اشتكي من هيــّـن الضيقه
عز الله اني صبـور و ربي .... ادرا بي
الصبر بيــر ٍ رواني .. لين يبــّـسـته
يا كم ّ اجي له و انوّخ عنده إركابي
يا فلآن ان مــت ّ ..؟ غيري مات .. لكنـّـي ..
اخاف محد ٍ يحس ّ إن مت ّ .. بغيابي!!
و انا .. و رب الأنـــا ماقصــّـر بفزعـه
و ان زلـّوا اصحاب ..!! قلت : اصحابي اصحابي
و ان ماظهر خير منـّـي .. ما ظهر شرّي
و اتعب و لاقول للعالم .. وش اتعابي
من صغري الصمت .. يطربني .. و اغنـّـي به
ألعب مع اني نسيت اصلا ً .. وش ألعابي ؟!
كبرت وشفت الهموم تزيد .. مع كبري
و عرفت .. سر الحزن .. بعيون شيــّـابي
يا فلآن ان مــت ّ و الا صابني صايب
ابيك تاقف .. و تجمع حولك احبابي
اسألهم ان كنت ماستاهل .. محبتهم
او اني قد خنت هقوة .. من تهقوا بي
و تعرف ليه ان لفيتك .. ساكت و سارح
اني مجــرّد .. هموم ٍ .. تلبس ثيابي
حتى القصيد ان بديته .. قمت اهيجن به
و اليا انتهيت .. اشطبه .. و اكذّب اعجابي
و اقول ما للقصيد الا يذكــّـرني ..
.. بالهم ّ .. و الهمّ خله داخل كتابي
يا فلآن الوقت .. طفل ٍ يكسر الخاطر
خلــّـك على ضحكته .. أقسى من أعرابـي
يافلآن ان مت ّ .. شف كم .. ( هم ّ ) فاقدني
هو فيه غير .. الهمـووم .. يحس ّ بغيــابي ..!!!؟؟
|