بين شرهات الشّواطي والعيـون النرجسيـّـة
وانكسارات الشّعاع وضيقة الرّوح وسعتهـا

ينعتــق صبـــح الأمــاني ويتنفسني هــويّــة
واتحرر مـــن ظنــون الأمنيــات وفلسفتهــا

والله انّي من عرفت الموج وجروحي طريّة
كـلّ موجــة لا تثنـــّت بالّضمايـــر لاعبتهــا

كـلّ موجــة مــن عتبها قالت الشمس أبجديّة
ميــر عيّــت لا تفك رموزها من غطرستهـا

نــادت أســـرار الطفـــولة والّتفاصيل النديّة
عــوّدي بي للونــاسة ... للطّفــاقة وأسئلتها

عــوّدي بي للآمــان وللســـواليــف الشقيـّـة
والضجيج العــذب حتّى لــو تمادت ثرثرتها

عــوّدي بي لابتســامة كانـت من الجود حيّة
تفهــق احساس العتيــم بِعنــدها ومناحرتهــا

عّـوّدي بي للمـــزوح وللّشغـــب والعنجهيـّة
والّدمـــوع الّلي تطيح إن قصّروا بملاطفتها

علّمي كيـــف السّعــادة كانت أسمــاها هديّة
ترســـم البسمة على ثغر الزّعول وعاطفتها

علّمي كيــف البــراءة طــاهرة مـن كل سيّة
لــو تزاحمها الشّــرور الكــايــدة مــا لّوثتها

علّمي كيــف الثـّــواني كــانت بظلــك غنيـّة
تنولـــد مثل السّحــابة يـرتوي كل من تحتها


وهــج...

وأنا الغريب بكلّ ما أُوتيت من لغتي ...!