وقف قلب العتاب اللي بدون خصام


بكى وجه الغياب اللي بلا تبرير
و وقف قلب العتاب اللي بدون خصام

يطول الدرب مع ذكرك وهو قصير
تخيل خطويتيني عن ثلاث اعوام

انا اسف على الواجد من التقصير
كتبتك لين ماخلص حبر الاقلام

تعب عقلي وانا اتعب على التصوير
انا شاعر ولكني معك رسام

تصور والحكي عاجز عن التعبير
يطيح الحرف بالدفتر ولاينلام

يبي يرسمك بوراقي قبل لاصير
ضحيه دمع عيني والدموع ايتام

حبيبي والمدامع في عيوني غير
تبكي قبل ماتنزل وله وهيام

هي الدمعات كالعاده بدايه خير
على الباقي من الاحزان والاوهام

تركت بداخلي صوره بلا تأثير
رماديه مثل وصلك يبو الالهام

لك البسمات والافراح والتقدير
وانا من ظلم عكس الحلم صعب انام

تمر بدرب حلمي واسرقك واطير
واقول ل كل احلامي كفايه احلام

انا الاول على دربك وانا الاخير
واشوفك انك بدايه للحياه وختام

احبك لو احبك خانها التعبير
انا مالي سوى حبك مع الايام


منقول