يا وش بقى باعطيك مني ولا جاك
ماباقي الا روحي أحيا بها لك
أوصف جمالك كل ما انشدت و اهواك
و ازين أيامي بجلسة خيالك
يا الغايب الحاضر بقلبي و لا القاك
أقرب من عروقي و صعب منالك
شالك زماني عن عيوني و وداك
لا شك وثق في ضلوعي حبالك
يا حاجب شمسي ورا ليل جفواك
ما بالعهد بك قاسي في دلالك
وش غيرك يا منوة القلب و اطغاك
على حبيب ما تخير بدالك
دنياي ما تصلح بلا شمس دنياك
و الليل يوحش لو تغير هلالك
ما ينقطع ظما الهوى إلا على ماك
ولا يهون حره إلا ظلالك
ولا تشوف العين زين بلياك
ولا يطرب سمعي إلا مجالك
ولا انتفض قلبي من الحب لولاك
ولولاك ما يبدي علي ما بدالك