من يومين كان الجواب
كانت الكلمة الأخيرة
نهاية بداية مش عتاب
سكتى الخضرا بعيونك
تهت فيها
كرهت نورها
دبحني صوتك
اسمعينى
ده مش أنينى
ياضي بعيونى
كنتي سحاب
كنتي كتييييييير
كنتي بتغنيني عن الدنيا
وماضى قبلك بالحساب
بعد ماعشقتك
وشفت أنك
هدية من ربى
وآخر صبرى
شافت الضلمة غش بسراب
لا كنتي جارية
ولا كان الكتاب
يوم أسر الأمير أسباب
قفلتي بغرورك
وبالجنون أبواب
لا عدت آمن
ولا آمن من عذاب
انتى مين؟؟
أنتي ايه؟؟
أنتى كل العذاب
ياريت ماشفتك
ولا يوم عرفتك
ياريتني كنت ماقلتي
ياريت ده وصفى مش سباب
ياريتني ميت قبل الميعاد عالباب
أنتي مين؟
ومين اللى قال أحباب؟
كدبك وظنك؟
ولا اللى كان كداب!!
.