مساء الخِير هالمرّه بلاش آسف على التأخير مدام الرد بِ عيونك دموع فِ كل تأخيره ثقل دم العذر والا كسح وجه الخطا تبرير مدامك عارفه طبعي اجل وشوله الحيره ؟ ترا ماجيت لجل اسمع سُواليفك عن التقصير اعرف ان الخطأ مني بلاش نعيد هالسيره ! انا وانتِ بِ هالدنيا تحمّلنا بعضنا كثير تعوّدتي على عنادي وصرت احب هالغِيره انا وانتِ حكايتنا مثل صدر السما والطير كثير اللي يطالعها ولحدٍ طالها غيره انا وانتِ حكايتنا مثل لعبه وطفل صغير مع انه دُوم يهملها رفض يسمح بها لِ غيره انا وانتِ وش اوصف لك؟ عجز عن وصفنا تعبير مثل مدري! مثل وشو! ولكن صعب تصويره انا وانتِ ، بلاش انتِ انا لو بفقدك شيصير ؟ عليم الله لو ما انتِ فلا طبّيت هالديره احبّك ايه احبّك ذي بعد يبغالها تفكير يخلف الله على عقلٍ ملكتي كل تفكيره تعالي نحترم شيبة غلانا لعنبو التصوير تعالي نغتنم فرصة لقانا دامها قصيره ومساء اللي تبين انتِ ، على كيفك صباح الخير انا كل يوم بتأخر اذا في دمعتك خيره.