في داخلي جمر لكن .. مايدفيني
من يشعل النار في صدري ويدفابي

من يجمع الغيم بيدينه .. ويسقيني
واصب عيني لعينه .. واحطب اهدابي

من ياخذ النوم من جفني .. ويسريني
ويعلق الصبح .. قبل اصحى .. على بابي

تعبت اوطن بقلبي شخص ينفيني
تعبت اهجّر حمام . ن حب محرابي

تعبت اقطّف حروفي من بساتيني
والناس تُعجب .. وانا مانلت اعجابي

ياأول الحب وينك ؟ .. أو .. أنا ويني ؟
تغيب عني كأنك تعلن اغيابي

من غبت عني .. وانا والله ماابيني
ضيقت خلقي وضاقت فيني اثيابي

اعد عمري الحقيقي واحسب سنيني
لقيت عمري معك ماجاوز اتعابي

طلبت قلبي .. وقلت : ابشر ومن عيني
واعطيتك اللي تبيه وقلت .. بسبابي

يبذر بي الحب من صغره .. ويجنيني
الين شفتك زرعت الموت بترابي

حريتي معك .. لكن .. عطني ايديني
اخفي بها حزن متسلطن بأهدابي

محتاج انام ودخيلك .. لاتصحيني
الا على انفاسك اللي تشبه اطيابي

مما رآق لي