بإختصار.. و صدقيني أنتِ في وصلك هناي. فرحتي، في ظل تحنانك يغازلها القصيد.. كل بسمات البشاير مزهره دامك معاي. والأماني بليل وصلك تحتفل في يوم عيد.. أنتِ.. ياشمعة غرامي دنيتي وأحلا مناي. أنتِ بحضورك جبين الليل يضوي من جديد.. كم لقيتك في حروفي يالغلا تعزف هواي. وكم مع بوحي وقفت أستعذبك لحن ونشيد.. أنتِ إحساسي وفكري في إبتساماتي و رجاي. فيك نبضاتي ربيع وفيني نبضاتك تزيد.. وبين صمتك والمشاعر ترتجف لحظة مساي. وبين تنهيدة هوانا ينتحر برد الجليد.. فيك يصرخ ليل شوقي ودري ما ودك شقاي. وفيني يشهق قلب ظامي طاح بيدينك شهيد.. يا لغلا يا كل كلي أنتِ يا أغلا غلاي. الأمل يضوي بحضورك والهنا بقربك أكيد.. أنتِ هتان إشتياقي بدر. أسكنته سماي. وبين حرفي وبين نبضي حظ عن وصلك عنيد.. يابعد هالكون وأهله وأجمل أحلامي و رجاي. أحتريتك. كثر ما أشتقت لحنانك والوله فيني يزيد.. يا فدى قلبك حياتي وأغلى شيٍ في ثراي. أنتِ. يا حبٍ مسافر بين قلبي و الوريد.. جديد/ الغريب

[/QUOTE]