يقولون المحبه الصادقه تبغي فعل وكفاح
وأنا اللي كافح الدنيا وآخر همي حسادي !

أنا مركب رفض يقبل نوايا الموج والأرياح
أموت بعز لكنِّي أنا ما أغير مرادي

تبي التفاح! بالمنطق تعلم توصل التفاح
ترى التفاح ما ينزل على راحات الأيادي

أنا ما أعيش في كذبة علاء الدين والمصباح
أرددها مثل غيري عشان أنيّم أولادي !

أنا أكره ناس للحاجة تجيني بدمعة التمساح
وأنا اللي أكرم الصادق لو هو ياخذ أعيادي

أنا فيني مشاعر تستهيض البلبل الصداح

أنا فيني قصايد طيرت من عيني إرقادي

عشقتك في زمن كاذب وفيه الحب لعب مزاح
لقيتك إنت الصادق وغيرك أخسره عادي

كفايه إن كتبت إسمك على الأوراق أنا أرتاح
وكفايه ما نطقت إسمك وقلبي بإسمك ينادي

خرز إسمك على قلبي وعرقي خيط للمسباح
أعيشك في طمأنينه وكني عايش بلادي

قلوبالناس ما تخلق معاها للزمن مفتاح
وأحسك إنتمفتاح القلوب ولحظة إسعادي

وأنا مثل الخلوج اللي تحن إذا نوو مسراح
وأحس روحي على جداد المطيه لا حدى حادي

صحيح الحب له قسمه وربي مازج الأرواح
مزج روحك مع روحي وقلبك مازج فؤادي

القلب يميل لـ من يجتهد في احتضانـه
واستيعابـه ، واحتـواءه ، يميل لمن يصارع
العالـم لأجلـه ، من يشتاقه بلا سـبب
ويأتيـه بلا سـبب ، من يبقى بجواره للأبد