هذاك المار قدامي وله نظرات قتاله..
له سكسوكه حلوه بأقصى الوجه مرتسمه..
حرمني النوم في ليلي..
حرمني النوم عقباله..
يحس الشوق في صدره ذبحه وزاد في همه..

أحب امه.. أحب عمه
أحب جده.. واحب خاله..
أموت بنظرة عيونه وأعشق كل حروف اسمه..

أحب جده.. وأحب هزله..
أذوب وحالتي حاله..
واذا يطروه قدامي أحس بداخلي صدمه..

ذبحني بكثر ماشتاقه..
ذبحني بكثرة أشغاله..
شغلني جنن قليبي فصلني من على الخدمه..

ياليت أقدر أصير بيوم شي(ن) دايم قباله..
وراه بكل مكان يروح شي(ن) غالي يهمه..

ياليتني ساعه بيده أو أرقام جواله..
يطقطقني على كيفه ولا أحفظ سوى رقمه..

أنا أدري إنه يعاني وأدري صعبه أحواله..
قلبي مايطاوعني يبي دايم إهو يمه..

أنا ماهمني ربعي وعذالي.. وعذاله..
أحبه بكل جنون الحب والاحساس والذمه..

صحيح انه يكذبني وظنونه دوم على باله..
لكني بعلمه كيف هو دمي وأنا دمه..

يقول إني أنا أنسى..
فال الله ولا فاله..
لو بانسى أنا نفسي مابنسى أبد رسمه..

ياقلبي شوف لي حل(ن) بحب(ن) صار لي عله..

يا إما تجيبه لعندي.......... والا أطلبه من أمه..


للشاعره : نهى نبيل..