إنتهى حبي وانا معه انتهيت
دام خلي باع في قلبي وخان


يشهد الله اني في حبه وفيت
صاين حبه لي سنين ثمان


وتشهد ابيات القصايد بيت بيت
وتشهد الدنيا ويشهد لي الزمان


يشهدون اني لغيره ماهويت
واضح اخلاص قلبي للعيان


ويشهد الله كل شئ له عطيت
حبي الصادق وشوقي والحنان


وسبة اني واثق فيه انعميت
عن خياناته ومعطيه الامان


من سبايب طيبتي وحبي انكويت
ومابقى للفرح في قلبي مكان


وانهدم صرح من اشواقي بنيت
وصرت اشوف الحب قدامي يهان


وغصب عني كل ما اذكر بكيت
يوم خلي باع في قلبي وخان