يا معجبه لا تخفى الهوى والبوح
متعب الشوق وحنينه وكتمانه
غني للهوى ويغني لك حمام الدوح
ويدق لك قلبي ووريدي وشريانه
مسموح الوصل فى هواي مسموح
ومسموح اروي بلقاكِ روح عطشانه
تجيني وانا قلبي يجيكِ ولا يروح
العين مسكنك ونبض القلب جدرانه
سلمي على قلبي وداوي فيه جروح
واروي الوله لساها الروح ظميانه
احساس الهوى ماهو اوصاف وشروح
ولا هو ايام وتروح ويولي زمانه
حبيني بكا واحبك في قلبي وضوح
حبيني سر والرسايل كل اعلانه
تكفى الليالي والبدر في ظلمته نوح
تكفى سنين ودروب الهوى ناسيانه
وليدة اللحظه
بقلمي: ياسر إبراهيم خليفه
(بكاء بلادموع)
حرف إحساسي قصيد فى مجمله
ماهمني" لونه"بحره" و تفاعيله
صحيح ان أجمل الاحساس اوله
وصحيح الحرف واصف تفاصيله
بعض القصيد وحي من دنيا الوله
وبعضه حرف ما تلقى للوله دليله
وانا قصيدي إحساس طيف وأخيله
بعضه غصه وبعضه قصه جميله
]
وبعض الحروف ما تلقى التكمله
وبعض الاحساس من حرفي اشيله
اه يالقصيد كل حروفك مشكله
وجرحك دوا للقلوب العليله
ياسر إبراهيم خليفه**بكاء بلادموع**
