جيتك ودرب المفارق منهك اطرافي على العهد جيت و اثرك منت بالديرة في غبة امواج هجرك ضاع مجدافي و اقول للشوق تدري علّها خيره الفرق بين الغلا الظاهر عن الخافي اوضح من الفرق بين الشك و الغيرة لا تستهين بغلا محبوبك الجافي و لا تنخدع بالغلا اللي سهل تبريره تعال شب الخفوق و شمعه الطافي ودي تشوفه مثل ما شفت تقصيره يكبر بعينك خطاه و تبحث الخافي و ما بان بعيونك اللي شفت من خيره نظرات عيني لعينك صوتها كافي لا زاد حبك و خان الشعر تعبيره سلمتك القلب هو طيب و متعافي وذنبك بحقه كبير و صعب تكفيره و اللي تسويه فيني عيب و ينافي سلم المحبة و لا يخفاك تأثيره و ما الومك الوم وقتن راح و اسرافي في حبك اللي لحقني ذنب تبذيره احترت في طب جرحك و الله الشافي و غسلت كفي من اسلوبك و تغييره و ان شفت لي حل يرضي كل الاطرافي اللي حصل خير و آنا ادفع فواتيره و كانك تماديت عادة قلبي الوافي يدفن غلاك و تطيب النفس عن غيره اهون على الحب يسري ليلته حافي لا شاف منك الهوان و قل تقديره لتحميل والاستماع