منتديات قصايد ليل - عرض مشاركة واحدة

#1 07-28-2017

البارحه..ليلة غرام..

شوق

وحنان

وحب

وإحساس

وهيام

ليلة فرح..فيها الأماني تعانقت
بسم السعادة
في سلام..

البارحة..كان الهوى
يجاذب النسمة غلا
والهمسه
في لهفة شفايفنا إبتسام..

والأمل..وأحلامنا
وكل المنى
تاخذنا لحدود الهنا
فوق الغمام..

البارحة.
حنا إلتقينا.
واللقا لحن إشتياق
عازفينه للوصل
من قبل عام..

إلتقينا..
والحنين روض جمع أرواحنا
يحكي ولهنا
بكل نبضة شوق
لذة و إنسجام..

ليله.. حلاها غير
تنثر بالمحبه والوصل
باقاتاها ود وغلا
وتعطرت شوق وهيام..

ياحلاة البارحه وإحساسها.
وذاك الحنان
وأحضاننا تحكي ولهنا
ما تذكرنا مع اللهفه كلام..

وأنتي وأنا
والليل.
وأنفاس الوله
لذةعناق
وروح في دافي جسدها
ذوبت كل الملام..

البارحه.
فديت دم البارحه
وإنتي معي
في حضرة الإحساس
واللحظة يدللنا
غلاها بإهتمام..

وأنتي مثل ذاك القمر
بس عايفه عالي سماك
بليلة حنين وشوق
جيتيني بدر
حالف على حضني تنام..

ليلة عمر.
ليلة لقانا البارحة
وباقي عطر أنفاسنا
شعور ما لحظه أنطفى
بليلة وصل وأشواق
وإحساس وغرام..

جديد / الغريب

[/QUOTE][/QUOTE]