كثير من الناس لهم نظره استحقار
الفرد منهم , يشوف انه عارف كل شيء ,
ويلوم غيره بعدم معرفته..
"وعند اي موقف يصير قدامه ’’ مآعنده اي مخرج "
ـــــ
اليكم قصه توضح هذه النوعيه للأسف
رجل متزوج قبل يجون الضيوف عنده جاب ذبيحه وطلب من زوجته
تطبخ الذبيحه شافتها :قالت له ما اعرف أطبخها..
عصّب الرجال واخذ زوجته ورماها عند اهلها
وقال لابوها بنتكم مآتعرف تطبخ الذبيحه
علموها شلون تطبخ ..
قال ابوها طيب خلها كم شهر عندنا وان شاء الله تتعلم تطبخ
وبعدين تجي تأخذها..
مرت الايام والايام وكم شهر
جاء الزوج ودخل على ابوها
قال ابوها خلاص البنت ماشاء الله تعرف تطبخ الذبيحه
الزوج قال خلاص باخذ زوجتي ونمشي
قال الاب وين رايح لازم تتأكد إن زوجتك تعرف تطبخ الذبيحه..
قال نشوف:
راح ابوها جاب ذبيحه حيه وقال اذبحها علشان نخلي زوجتك تطبخها
قال الزوج مآ اعرف اذبح !!
قال أبو البنت روح خل أهلك يعلمونك وإذا تعلمت
تعال خذ زوجتك.. !!!!
|